រថយន្តដឹកឈើមួយគ្រឿងត្រូវបានកម្លាំងខណ្ឌរដ្ឋបាលព្រៃឈើខេត្តសៀមរាបធ្វើការបង្ក្រាបបាននៅវេលាម៉ោង០៨ និង៣០នាទីយប់ ថ្ងៃទី០៤ ខែមេសា ឆ្នាំ២០២១ ដោយការបង្ក្រាបនេះធ្វើឡើងនៅចំណុចភូមិខ្នាថ្មី សង្កាត់ជ្រាវ ក្រុងនិងខេត្តសៀមរាប។
បើតាមលោក ម៉ុង ប៊ុនលីម នាយខណ្ឌរដ្ឋបាលព្រៃឈើខេត្តសៀមរាប បានឲ្យដឹងថា ការបង្គ្រាបនេះ ធ្វើឡើងដោយក្រុមចល័តរបស់ខណ្ឌរដ្ឋបាលព្រៃឈើសៀមរាប ដោយបានធ្វើការឃាត់រថយន្តដឹកឈើមួយគ្រឿង ម៉ាកអីស៊ុយហ្សុយឌុយមិច ព៌ណត្រេអី គ្មានស្លាកលេខ។ រថយន្តដឹកឈើខាងលើនេះបានធ្វើដំណើរមកពីខេត្តព្រះវិហារ ចូលមកក្រុងសៀមរាប ទើបក្រុមការងារបានទើបស្ទាក់ចាប់បាន ហើយក្នុងរថយន្តមានឈើអារប្រភេទលេខ១(ឈើផ្ចឹក) ចំនួន២០ដុំ ស្មើនឹង០,៨០ ម៉ែត្រ។ បច្ចុប្បន្នចំពោះវត្ថុតាងត្រូវបានកម្លាំងជំនាញយកមកថែរក្សាទុក នៅផ្នែករដ្ឋបាលព្រៃឈើបន្ទាយស្រី ដើម្បីរៀបចំសំណុំរឿងដោះស្រាយតាមនិតិវិធីច្បាប់ស្តីពីព្រៃឈើ៕
អត្ថបទ និង រូពភាព៖ ខេង ឧត្តម
