នៅយប់ថ្ងៃទី១១ ខែមេសា ឆ្នាំ២០២១នេះ កម្លាំងនគរបាលប៉ុស្តិ៍រដ្ឋបាលសង្កាត់ជ្រាវបានធ្វើការឃាត់ខ្លួនបុរស់ចំនួន២នាក់ ក្រោយធ្វើសកម្មភាពឆក់ត្រីខុសច្បាប់ក្នងតំបន់ពូជត្រីធម្មជាតិបឹងពារាំង។
តាមសមត្ថកិច្ចប៉ុស្តិ៍នគរបាលសង្កាត់ជ្រាវបានឲ្យដឹងថា ជនសង្ស័យទាំងពីរនាក់រួមមានទីជនសង្ស័យទាំង0២នាក់រួមមានទី១ ឈ្មោះ សៀ ឆៃណា ភេទ ប្រុស អាយុ ៣៦ឆ្នាំ មុខរបរ ជាងជួសជុលកង់ម៉ូតូ ទីលំនៅបច្ចុប្បន្ន ភូមិជ្រាវ សង្កាត់ជ្រាវ ក្រុង/ខេត្តសៀមរាប ,ទី២.ឈ្មោះ សារឹម វ៉ាន់ថន ភេទប្រុស អាយុ៤១ឆ្នាំ មុខរបរកីឡាប្រដាល់ មានទីលំនៅក្នុងភូមិបុសក្រឡាញ់ សង្កាត់ជ្រាវ ក្រុង/ខេត្តសៀមរាប។
តាមចម្លើយសារភាពជនសង្ស័យបានប្រាប់ថា មុនពេលកើតហេតុពួកគេបានផឹកស៊ីជុំគ្នា នៅក្នុងភូមិបុស្សក្រឡាញ់ ជាមួយម្ចាស់ផ្ទះឈ្មោះ ទិត្យ ។ លុះផឹកដល់ម៉ោងប្រហែល២២ និង៣០នាទី ក៏បែកគំនិតខ្ចីដុំឆក់ពីម្ចាស់ផ្ទះឈ្មោះ ទិត្យ ហើយបានជិះម៉ូតូ ០២គ្រឿងចេញទៅឆក់ត្រីនៅចំណុចតំបន់បបុស្ស ស្ថិតក្នុងភូមិសាស្ត្រ សង្កាត់ជ្រាវ ក្រុងសៀមរាប។ ខណៈពេលកំពុងចាប់ផ្ដើមឆក់ត្រី ត្រូវបានកម្លាំងប្រជាសហគមន៍សង្កាត់ជ្រាវដែលប្រចាំការនៅគោលដៅនោះឃាត់ខ្លួនបាន។ បច្ចុប្បន្នជនសង្ស័យ និងវត្ថុតាងត្រូវបានសមត្ថកិច្ចរៀបចំសំណុំរឿងបញ្ជូនទៅជំនាញដើម្បីចាក់ការបន្ត៕
អត្ថបទ និង រូបភាព៖ ខេង ឧត្តម
