ត្រៀមឆ្លើយតបស្ថានភាពធ្ងន់ធ្ងរនៃវិបត្តិកូវីដ-១៩ ដោយមានការចូលរួមពីសំណាក់លោក នាក់ ណេរ៉ុន អភិបាលរងខេត្ត អាជ្ញាធរក្រុងសៀមរាប លោកប្រធានមន្ទីរពាណិជ្ជកម្មខេត្ត មន្ទីរព័ត៌មានខេត្ត សមាគមសហគ្រិនវ័យក្មេងប្រចាំខេត្តផងដែរ។
ឯកឧត្តម ទៀ សីហា មានប្រសាសន៍ថា ការបិទខ្ទប់តំបន់ណាមួយដើម្បីទប់ស្កាត់ការចម្លងជម្ងឺកូវីដ-១៩ វាគឺជាជម្រើសចុងក្រោយ ដើម្បីទប់ទល់ និងស្តារស្ថានភាពឡើងវិញ។ យ៉ាងណាក៏ដោយកិច្ចប្រជុំបន្ទាន់មួយបានបង្ហាញនូវផែនការត្រៀមបំរុង ឆ្លើយតបចំពោះស្ថានភាពនោះ ដោយផ្តោតជាសំខាន់ទៅលើបញ្ហារក្សាស្ថិរភាពផ្គត់ផ្គង់ស្បៀងអាហារលើទីផ្សារ និងការចម្លងរាលដាលក្នុងសហគមន៍។ ផែនការត្រៀមទប់ស្កាត់ការរីករាលដាលនៃជំងឺកូវីដ-១៩ រួមទាំងផែនការត្រៀមបំរុង ឆ្លើយតបក្នុងករណីមានការបិទខ្ទប់តំបន់ណាមួយ បញ្ជៀសហានីភ័យធ្ងន់ធ្ងរដោយត្រូវបានផ្តោតទៅលើផែនការផ្គត់ផ្គង់ត្រីសាច់ បន្លែ គ្រឿងទេស កាត់បន្ថយការប្រមូលផ្តុំមនុស្សច្រើននៅទីប្រជុំផ្សារ ធានាឲ្យបានការគ្រប់គ្រងហានីភ័យនៃការចម្លង រវាងអាជីវករ និងអតិថិជនជាអ្នកទិញ។
ឯកឧត្តមអភិបាលខេត្ត មានប្រសាសន៍ទៀតថា ជាការចាំបាច់មន្រ្តីជំនាញពាក់ព័ន្ធត្រូវបង្កើតឲ្យមានខ្សែបណ្តាញទំនាក់ទំនង រវាងអ្នកលក់បោះដុំ និងអ្នកលក់ចែកចាយបន្តដើម្បីធានាថា ក្នុងអំឡុងពេលនៃការបិទខ្ទប់ពុំមានបញ្ហាចោទឡើងអំពីស្បៀងម្ហូបអាហារ និងតម្រូវការផ្សេងៗទៀតនោះឡើយ។ ជាមួយគ្នានេះក៏ត្រូវរៀបចំវិធីសាស្រ្តដើម្បីបង្ករភាពងាយស្រួលដល់ការទំនាក់ទំនងរវាងអ្នកអ្នកលក់ និងអ្នកទិញព្យាយាមធ្វើឲ្យបានកម្មវិធីបញ្ជាទិញពីផ្ទះទៅកាន់ទីផ្សារ លើកទឹកចិត្តដល់សេវាដឹកជញ្ជូន សំដៅទៅដល់អ្នករ៉ឺម៉ក ផាស់អាប់ អ្នករត់ម៉ូតូឌុប ដែលទទួលបានការចាក់វ៉ាក់សាំងបង្ការរួចហើយ។ ការទិញលក់តាមអនឡាញ ឬតូបតាមផ្សារអ្នកបោះដុំសេវាដឹកជញ្ជូន នឹងត្រូវបានដាក់ឲ្យប្រើប្រាស់ការទូទាត់សាច់ប្រាក់តាមប្រព័ន្ធធនាគារ ដែលជាវិធីសាស្រ្តជួយបង្ការហានីភ័យចំពោះការចម្លងជម្ងឺកូវីដ-១៩ ចូលក្នុងសហគមន៍ ។
ឯកឧត្តម បន្ថែមថា សម្រាបករណីយរកឃើញវិជ្ជមានកូវីដ-១៩ លើអាជីវករផ្សាក្រោមវាគឺជាមេរៀនមួយដែរអាជ្ញាធរខេត្ត ត្រូវដាក់ចេញនូវផែនការស្រង់ស្ថិតិអាជីវករនៅក្នុងផ្សារទាំងអស់នៃខេត្តសៀមរាប ដោយចាត់ទុកថា ជាក្រុមមនុស្សអទិភាពសម្រាប់ទទួលយកការចាក់វ៉ាក់សាំងបង្ការជម្ងឺកូវីដ-១៩ រួមទាំងប្រតិបត្តិករទេសចរណ៍ ដើម្បីត្រៀមលក្ខណៈ សម្រាប់ថ្ងៃអានាគតដែលវិស័យមួយនេះ អាចនឹងក្រោកឈរឡើងវិញនៅពេលដែលការចាក់វ៉ាក់សាំង ឈានដល់ភាគរយ នៃការកាត់បន្ថយហានីភ័យចម្លងនោះ។ យ៉ាងណាក៏ដោយការបិទខ្ទប់តំបន់ណាមួយដែលផ្ទុះការចម្លងជម្ងឺកូវីដ-១៩ វាគឺជាជម្រើសចុងក្រោយ ដើម្បីទប់ទល់ស្តារស្ថានភាពឡើងវិញ ក៏ប៉ុន្តែមានតែការចូលរួមរបស់ប្រជាពលរដ្ឋប៉ុណ្ណោះ ដែលជម្រើសចុងក្រោយនេះ មិនត្រូវបានយកមកប្រើប្រាស់ព្រោះវាមិនមានការចម្លងនៅក្នុងសហគមន៍៕
អត្ថបទ និងរូបភាព៖ ងិន គឹមឡេង ,យូ វង្ស
