នៅព្រឹកថ្ងៃទី០៧ ខែឧសភា ឆ្នាំ២០២១ សាខាកាកបាទក្រហមកម្ពុជាខេត្តសៀមរាប បានបន្តទទួលអំណោយពីអង្គភាព គ្រឹះស្ថានអង្គរ ,ស្នងការដ្ឋាននគរបាលខេត្តសៀមរាប ,មេបញ្ជាការតំបន់ប្រតិបត្តិការសឹករងសៀមរាប ,មន្ទីរសេដ្ឋកិច្ច និងហិរញ្ញវត្ថុ ខេត្តសៀមរាប ,មន្ទីរអប់រំ យុវជន និងកីឡា ខេត្តសៀមរាប និងសហការី ,ក្រុមហ៊ុន ហនុមាន ហ្វីម ប្រដាក់សិន ,ធនាគារ អេស៊ីលីដា សាខាក្រុងសៀមរាប។
មានប្រសាសន៍ក្នុងឱកាសនោះ លោក ស៊ុ សំអន នាយកប្រតិបត្តិសាខា និង ជាតំណាងឯកឧត្តម ទៀ សីហា ប្រធានគណៈកម្មាធិការសាខាកាកបាទកម្ពុជាខេត្តសៀមរាប បានថ្លែងអំណរគុណយ៉ាងជ្រាលជ្រៅបំផុតចំពោះ ថ្នាក់ដឹកនាំ និងមន្ត្រីរាជការទាំងអស់នៃមន្ទីរ និងអង្គភាពជុំវិញខេត្តសៀមរាបទាំងអស់ ដែលបានឧបត្ថម្ភថវិកាដល់ សាខាកាកបាទក្រហមកម្ពុជា ខេត្តសៀមរាប ក្នុងឱកាសខួបទី១៥៨ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២១ ក្រោមប្រធានបទ «ទាំងអស់គ្នារួមជាមួយកាកបាទក្រហមកម្ពុជា ប្រយុទ្ធនឹងជំងឺកូវីដ-១៩ និងកសាងភាពធន់របស់សង្គមជាតិ»។
លោក ស៊ុ សំអន បានបញ្ជាក់ថា ចំពោះអំណោយទាំងនេះ វាគឺជាការចូលរួមរបស់សប្បុរសជនជាមួយសកម្មភាពមនុស្សធម៌ កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ហើយចំពោះអំណោយទាំងនេះ សាខាកាកបាទក្រហមកម្ពុជាខេត្តសៀមរាប នឹងយកចិត្តទុកដាក់ខ្ពស់បំផុតក្នុងការប្រើប្រាស់អំណោយដ៏ថ្លៃថ្លាទាំងនេះ ដើម្បីបម្រើការងារមនុស្សធម៌ ជួយដល់ប្រជាពលរដ្ឋដែលជួបការលំបាកដោយគ្រោះធម្មជាតិ គ្រោះមហន្តរាយផ្សេងៗ និងប្រជាពលរដ្ឋដែលកំបុងជួបការលំបាកដោយសារជំងឺកូវីដ-១៩ ដោយមិនប្រកាន់ ពូជសាសន៍ ពណ៌សម្បុរ និងនិន្នាការនយោបាយណាមួយឡើយ ស្របតាមគោលការណ៍គ្រឹះទាំង៧ប្រការ របស់ចលនាអន្តរជាតិកាកបាទក្រហមអឌ្ឍចន្ទក្រហម។
ថវិកាដែលមានទទួលបានពីសប្បុរសជនរួមមាន៖
-អង្គភាព គ្រឹះស្ថានអង្គរ ថវិកា ចំនួន ១០,០០០,០០០រៀល
-ស្នងការដ្ឋាននគរបាលខេត្តសៀមរាប ថវិកាចំនួន ៨,០០០,០០០រៀល
– មេបញ្ជាការតំបន់ប្រតិបត្តិការសឹករងសៀមរាប ថវិកាចំនួន ៨,០០០,០០០រៀល
-មន្ទីរសេដ្ឋកិច្ច និងហិរញ្ញវត្ថុ ខេត្តសៀមរាប ថវិកាចំនួន ៨,០០០,០០០រៀល
-មន្ទីរអប់រំ យុវជន និងកីឡា ខេត្តសៀមរាប ថវិកាចំនួន ៥,០០០,០០០រៀល និងអាកុល ៣០លីត្រ
-ក្រុមហ៊ុន ហនុមាន ហ្វីម ប្រដាក់សិន ថវិកាចំនួន ៥០០ដុល្លារ
-ធនាគារ អេស៊ីលីដា សាខាក្រុងសៀមរាប ថវិកាចំនួន ៣០០,០០០រៀល ៕
អត្ថបទ និងរូបភាព៖ សាខាកាកបាទក្រហមកម្ពុជាខេត្តសៀមរាប
កែសម្រួល៖ អ៊ុន ណារាជ្យ
