តំបន់ដែលកំណត់ជាតំបន់គ្រោះថ្នាក់ដោយសារជំងឺកូវីដ-១៩នេះ មានទីតាំងរួមមាន÷” តំបន់ក្រហម” នៅភូមិសាស្ត្រឃុំកំពង់ឃ្លាំង ស្រុកសូទ្រនិគម ខេត្តសៀមរាប “តំបន់លឿងទុំ” ភូមិសាស្ត្រឃុំគោកធ្លកក្រោម ស្រុកជីក្រែង និងឃុំដំដែក ស្រុកសូទ្រនិគម ខេត្តសៀមរាប។ តំបន់លឿង ភូមិសាស្ត្រឃុំកំពង់ក្ដី ស្រុកជីក្រែង ខេត្តសៀមរាប។ការកំណត់តំបន់ទាំងនេះ ក្រោយពេលមានការរីករាលដាលនៃជំងឺកូវីដ-១៩ ចេញពីអធិការស្រុកសូទ្រនិគម ទៅក្លឹបកំសាន្ដជំនោរធម្មជាតិ នៅស្រុកជីក្រែង ដោយមានមានការជួបជុំផឹកស៊ី និងច្រៀងខារ៉ាអូខេកំសាន្ដ ក្នុងអំឡុងពេលដែលរដ្ឋាភិបាលដាក់បំរាមហាមការជួបជុំ ។ ការរាត្បាត នៃជំងឺនេះបានកើតឡើងជាបន្ដបន្ទាប់ ដែលបណ្ដាលអោយមានការឆ្លងជំងឺយ៉ាងសាហាវនេះ កើនឡើងដល់ចំនួន៦៦៤នាក់ ក្នុងនោះក៏មានអ្នកស្លាប់ផងដែរ ។ អាជ្ញាធរខេត្ដសៀមរាប បានសម្ដែងការព្រួយបារម្ភដោយសារមួយរយ:ចុងក្រោយនេះ មានការឆ្លងជំងឺវីដ-១៩ កើនឡើងយ៉ាងគំហុកនេះ។
បើយោងតាមរបាយការណ៍ របស់រដ្ឋបាលខេត្តនបានជំរាបជូនអាជ្ញាធរពាក់ព័ន្ធ រួមមាន ស្នងការនគរបាលខេត្ត, មេបញ្ជាការតំបន់ប្រតិបត្តិការសឹករងសៀមរាប, មេបញ្ជាការកងរាជអាវុធហត្ថខេត្ត, អភិបាល នៃគណ:អភិបាលស្រុកសូទ្រនិគម, អភិបាល នៃគណ:អភិបាល ស្រុកជីក្រែង, ប្រធានមន្ទីរសុខាភិបាល នៃរដ្ឋបាលខេត្ត, ប្រធានមន្ទីរ-អង្គភាពពាក់ព័ន្ធ, មេឃុំកំពង់ឃ្លាំង, មេឃុំដំដែក នៃស្រុកសូទ្រនិគម និងមេឃុំគោកធ្លកក្រោម, មេឃុំកំពង់ក្តី នៃស្រុកជីក្រែង ត្រូវទទួលបន្ទុកត្រូវអនុវត្តសេចក្តីសម្រេចបើកតំបន់លឿង តំបន់លឿងទុំ និងតំបន់ក្រហមនៅក្នុងស្រុកទាំងពីរនេះចាប់ពីពេលនេះទៅ។
សូមជម្រាបថា តាមផេករបស់រដ្ឋបាលខេត្ដសៀមរាប បានបង្ហាញថា កាលពីថ្ងៃទី០៩ ខែមិថុនា ឆ្នាំ២០២១ របស់រដ្ឋបាលខេត្ត សៀមរាប បានកំណត់ជា “តំបន់ក្រហម” “តំបន់លឿងទុំ” និង “តំបន់លឿង” ក្នុងភូមិសាស្ត ស្រុកសូទ្រនិគម និងស្រុកជីក្រែង ខេត្តសៀមរាប ដើម្បីទប់ស្កាត់ការឆ្លងរាលដាលនៃជំងឺកវីដ-១៩ កាន់តែធ្ងន់ធ្ងរបន្ដទៀតនៅក្នុងសហគមន៍នៃខេត្ដសៀមរាប។
សូមបញ្ជាក់ថា មកទល់ពេលនេះ ខេត្តសៀមរាប មានអ្នកវិជ្ជមានជំងឺកូវីដ-១៩ កើនចំនួន៦៦៤នាក់, បានព្យាបាលជាសះស្បើយចំនួន១៦៦នាក់, ស្លាប់ ៧នាក់ និង៤៩១នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប មណ្ឌលចត្តាឡីស័កគរុកោសល្យ និងវិក្រឹតការខេត្ត និងវិទ្យាល័យដំដែក៕
អត្ថបទ និងរូបភាព: លោកបូ សាវី កែសម្រួលដោយ លីវ សុខុន!!!
