នៅព្រឹកថ្ងៃទី១២ ខែកក្កដា ឆ្នាំ២០២១នេះ គណៈគ្រប់គ្រងសាកលវិទ្យាល័យអង្គរបាននាំយកទឹកបរិសុទ្ធចំនួន២៥០កេស ប្រគល់ជូនដល់ក្រុមគ្រូពេទ្យដែលបានចុះចាក់វ៉ាក់សាំងជូនប្រជាពលរដ្ឋ នៅក្នុងក្រុងសៀមរាប និងក្រុមការងារសហភាពសហព័ន្ធយុវជនកម្ពុជាចំនួន៤ទីតាំងមាន៖ ទី១.ទីតាំងសាលាបឋមសិក្សាខ្នារ សង្កាត់ជ្រាវ, ទី២.ទីតាំងវត្តពោធិលង្កា សង្កាត់ស្លក្រាម, ទី៣.ក្រុមការងារសហភាពសហព័ន្ធយុជនកម្ពុជា នៅទីតាំងវិទ្យាល័យ១០មករា សង្កាត់ស្វាយដង្គំ និងទី៤.ក្រុមគ្រូពេទ្យចុះយកសំណាកចល័ត។
លោក សុខ តុញ អនុប្រធានក្រុមប្រឹក្សាភិបាលសាកលវិទ្យាល័យអង្គរ មានប្រសាសន៍ថា ដើម្បីចូលរួមចំណែកជាមួយរដ្ឋាភិបាល ក្នុងការយុទ្ធនាការប្រយុទ្ធប្រឆាំង នឹងជំងឺកូវីដ-១៩ លោកពិតជារីករាយណាស់ ដែលមានឱកាស បានចូលរួមជួយឧបត្ថម ជាទឹកបរិសុទ្ធដល់ក្រុមគ្រូពេទ្យ ដែលបានចុះយុទ្ធនាការចាក់ វ៉ាក់សាំងជូនប្រជាពលរដ្ឋនៅក្នុងក្រុងសៀមរាបនិងក្រុមការងារសហភាពសហព័ន្ធយុវជនកម្ពុជានាពេលនេះ ដែរការចូលរួមនេះ គឺជាទឹកចិត្ត និងសប្បុរសធម៌ជួយគ្នានៅក្នុងគ្រាដែលប្រទេសជាតិកំពុងជួបគ្រោះអាសន្ន ដោយសារការរីករាលដាលនៃជំងឺកូវីដ-១៩ ខណ:ពេលបច្ចុប្បន្នដែលថ្នាក់ដឹកនាំ និងក្រុមការងារសមាគមគ្រូពេទ្យ និងយុវជនស្ម័គ្រចិត្តប្រឆាំងកូវីដ-១៩ ដែលកំពុងបំពេញភារកិច្ចយ៉ាងសកម្មដើម្បីជាតិ និងប្រជាជន។ ហើយអំណោយសប្បុរសនេះ គឺបានឆ្លុះបញ្ចាំងឱ្យឃើញអំពីការរួមសាមគ្គីគ្នានឹងការយកចិត្តទុកដាក់ក្នុងចូលរួមជាមួយរាជរប្រជាដ្ឋាភិបាលកម្ពុជា ដើម្បីជួយដល់ពលរដ្ឋក្នុងកាលៈទេសៈដ៏លំបាកនេះផងដែរ៕
អត្ថបទ និង រូបភាព៖ លោក ទ្រា ពន្លឺ, លោក ខេង ឧត្តម
កែសម្រួលអត្ថបទ៖ លោក អ៊ុន ណារាជ្យ
