លោក សុខ សីហា ប្រធាន ប្រធានមន្ទីរប្រៃសណីយ៍ និងទូរគមនាគមន៍ ខេត្តសៀមរាប បានឲ្យដឹងថា កាលពីថ្ងៃទី១០ ចុងសកមប្ដាហ៍នេះ ក្រុមកម្មករនៃក្រុមការងាររបស់មន្ទីរប្រៃសនីយ៍ និងទូរគមនាគមន៍ខេត្ដ បានជីកដីបង្កប់ខ្សែកាប្លិ៍អ៊ុបទិកក្រោមដីប្រទះឃើញ គ្រាប់បែកដៃចំនួន៧គ្រាប់ ក៏បានរាយការណ៦ទៅកាន់អង្គភាពស៊ីម៉ាក់ដើម្បីចុះធ្វើការពិនិត្យ។ ទីតាំងដែរបានរកឃើញនោះស្ថិតនៅជាប់របងរបងវិទ្យាល័យ១០ មករា ១៩៧៩ ក្នុងភូមិមណ្ឌល២ សង្កាត់ស្វាយដង្គំ ក្រុងសៀមរាប។ លោកថា ក្រុមដោះមីនCMAC ប៉ាន់ស្មាននៅសល់ប្រហែល២០%ទៀត ប៉ុន្តែCMAC បានផ្អាកការរកសិន ដោយសារពួកគាត់ពុំបានយកឧបករណ៍មកគ្រប់គ្រាន់ និងមានគ្នាតិចស្របពេលថ្ងៃឈប់សម្រាក ទើបក្រុមការងាររាវគ្រាប់មិនទាន់ផ្ទុះរបស់CMAC បានដាក់ស្លាកសញ្ញាគ្រោះថ្នាក់ហ៊ុពន្ធ័ជុំវិញទីតាំងនោះ។
បើតាមលោក អ៊ាន សុធា ប្រធានកងឯកភាពកំចាត់មីនទី៤ ប្រចាំខេត្ដសៀមរាប និងខេត្ដកំពង់ធំ បានឲ្យដឹងនៅព្រឹកថ្ងៃទី១២ ខែកក្កដា ឆ្នាំ២០២១ ថា មកទល់ព្រឹកនេះក្រុមការងារលោកបានរកឃើញគ្រាប់បែកដៃបានមានចំនួនប្រមាណ៤០៥គ្រាប់ ជាគ្រាប់ ម៉ាក់ 36 UK ផលិតនៅប្រទេសអង់គ្លេង ហើយវាអាចប្រឈមគ្រោះថ្នាក់ដល់មនុស្ស ប្រសិនបើមានការប៉ះពាល់ ឬធ្វើជ្រុះធ្លាក់ទៅដី។ គ្រាប់បែកដៃទាំងនោះ ត្រូវគេបានកប់ចោលជាច្រើនឆ្នាំមកហើយ ដែលនៅចំណុចជាឃ្លាំងគ្រាប់មួយកន្លែង នៅក្នុងក្រុងសៀមរាប ប៉ុន្ដែមិនលោកមិនអាចសន្និដ្ឋានថា បានកប់ទុកចោលនៅឆ្នាំណានោះទេ។ ជាមួយគ្នានោះដែរ គ្រាប់បែកដែលបន្សល់ទុកនៅក្រោមដីនេះ អាចនឹងមានច្រើនទៀត ហើយក្រុមការងារស៊ីម៉ាក់ នឹងងបន្ដជីករុករកបន្តទៀត ដើម្បីប្រមូលយកទៅកំទេចចោល៕
អត្ថបទ និង រូបភាព៖ លោក យូ វង្ស ,លោក ស៊ាន សុផាត ,លោក ឈិត សាវី
កែសម្រួលអត្ថបទ៖ លោក អ៊ុន ណារាជ្យ
