មានប្រសាសន៍ក្នុងឱកាសកិច្ចប្រជុំសាមញ្ញប្រចាំសប្តាហ៍ទី២ របស់ថ្នាក់ដឹកនាំក្រសួងព័ត៌មាន ធ្វើឡើងជាលក្ខណៈ Hybrid ប្រជុំចូលរួមដោយផ្ទាល់ និងតាមប្រព័ន្ធ Zoom នៅព្រឹកថ្ងៃទី១២ ខែកក្កដា ឆ្នាំ២០២១ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន បានបញ្ជាក់ពីកិច្ចខិតខំប្រឹងប្រែងរបស់ប្រមុខរាជរដ្ឋាភិបាលកម្ពុជា សម្តេចតេជោនាយករដ្ឋមន្រ្តី ហ៊ុន សែន ក្នុងការស្វះស្វែងរកនូវវ៉ាក់សាំងបង្ការជំងឺកូវីដ-១៩ មកធ្វើការចាក់ជូនដល់បងប្អូនប្រជាពលរដ្ឋកម្ពុជាបានប្រមាណជិត ៥លាននាក់មកហើយ និងកំពុងបន្តធ្វើការចាក់អោយបានគ្រប់ចំនួនតាមផែនការប្រមាណ ១០លាននាក់ នៅទូទាំងប្រទេស។ ដូច្ចេះតាមរយះការប្រឹងប្រែងក្នុងការចាក់វ៉ាក់សាំងនេះ បើធ្វើការប្រៀបធៀបធៀបប្រទេសកម្ពុជា ទៅនឹងបណ្តាប្រទេសមួយចំនួនក្នុងតំបន់ ជាពិសេស នៅតំបន់អាស៊ាននេះ គឺប្រទេសកម្ពុជាឈរក្នុងលំដាប់លេខ២ ដែលមានប្រជាពលរដ្ឋបានទទួលការចាក់វ៉ាក់សាំងការពារជំងឺកូវីដ-១៩ បានច្រើនជាងគេ។
ឯកឧត្តមរដ្ឋមន្រ្តី ខៀវ កាញារីទ្ធ ក៏បានធ្វើការរំលឹកអំពីការអនុវត្តន៏សិទ្ធិ ក៏ដូចជាការអនុវត្តន៏លទ្ធិប្រជាធិបតេយ្យ នៅក្នុងបណ្តាប្រទេសនីមួយៗ គឺវាអាស្រ័យស្ថានភាពជាក់ស្តែង បទពិសោធន៏ក៏ដូចវប្បធម៏សង្គមនីមួយៗ។ ដូច្នេះហើយការអនុវត្តន៏លទ្ធិប្រជាធិបតេយ្យ វាមិនមែនគំរូស្តង់ដា មួយដែលត្រូវយកមកអនុវត្តន៏នៅក្នុងបណ្តាប្រទេស អោយបានដូចៗគ្នានោះទេ ។
ឆ្លៀតក្នុងឱកាសនៃកិច្ចប្រជុំនោះដែរ ឯកឧត្តម ខៀវ កាញារីទ្ធ ក៏បានកោតសរសើរចំពោះប្រពន្ធ័ផ្សព្ធផ្សាយរបស់ជាតិទាំង៣ ទូរទស្សន៏ជាតិកម្ពុជា វិទ្យុជាតិកម្ពុជា និងទីភ្នាក់ងារសារព័ត៌មានកម្ពុជា ដែលបានខិតខំក្នុងការផ្សព្វផ្សាយព័ត៌មានក្នុងរយះពេលកន្លងមក ក៏ដូចជាបានផលិតកម្មវិធីផ្សេងៗ និងបទយកការណ៏ រួមទាំងបានចាក់ផ្សាយនូវស្ពត អប់រំខ្លីៗ ទាក់ទងជំងឺកូវីដ ក៏ដូចជាកិច្ចការងារអប់រំផងដែរ ។ ឯកឧត្តម បានជម្រុញឲ្យអគ្គនាយកដ្ឋានវិទ្យុជាតិកម្ពុជា ធ្វើការប្រមូលចងក្រងនូវរាល់ស្នាដៃបទភ្លេងប្រពៃណីដែលកន្លងនេះ បានធ្វើហើយខ្លះដែរ តែត្រូវបន្តបង្កើននូវការប្រមូលចងក្រងបន្ថែមទៀត ដើម្បីធ្វើយ៉ាងណាបំរើតន្រ្តីអារម្មណ៏របស់ទស្សនិកជនអ្នកគាំទ្រ ក៏ដូចជាផ្តល់នូវចំណេះដឹងដល់ អ្នកស្តាប់ជំនាន់ក្រោយដែលជាយុវជន បានដឹងពីស្នាដៃ និងអត្ថន័យនៃបទចំរៀងបែបប្រពៃណីដែលបង្កប់ក្នុងបទចម្រៀង ថាតើត្រូវប្រើនៅក្នុងកម្មវិធីអ្វីជាដើម។
ជាមួយកិច្ចប្រជុំនេះដែរ ឯកឧត្តមរដ្ឋមន្រ្តី បានណែនាំដល់អគ្គនាយកដ្ឋានរដ្ឋបាល និងហិរញ្ញវត្ថុពិនិត្យពន្លឿនក្នុងការស្វែងរកទិញឧបករណ៏ធ្វើតេស្តរហ័ស រកមេរោគកូវីដ ដើម្បីផ្តល់អោយអគ្គនាយកដ្ឋនទូរទស្សន៏ជាតិកម្ពុជា វិទ្យុជាតិកម្ពុជា និងអគ្គនាយកដ្ឋានទីភ្នាក់ការសារព័ត៌មានកម្ពុជា ទុកប្រើប្រាស់សម្រាប់មន្ត្រី និងអ្នកយកព័ត៌មាន ដែលត្រូវចុះទៅយកព័ត៌មាន ឬផលិតកម្មវិធីផ្សាយផ្សេងៗ ។ ជាមួយនេះក៏ទុកសម្រាប់ប្រើប្រាស់ពិនិត្យ ចំពោះវាគ្មិន និងភ្ញៀវកិតិយស ដែលត្រូវបានគោរពអញ្ជើញមកចូលរួមក្នុងកម្មវិធី ធ្វើបទសំភាសន៏ នានានៅក្នុងស្ទីតយោផ្សាយ វិទ្យុ និងទូរទស្សន៏ ដើម្បីធ្វើការពិនិត្យរកមើលមេរោគកូវីដ សម្រាប់ ជាការ រួមចំណែកទប់ស្កាត់ការឆ្លងរីករាលដាលលនៃជំងឺកូវីដ-១៩ ហើយធានាបាននូវនិរន្តភាព ក្នុង ការផ្សព្វផ្សាយដើម្បីបំរើដល់ប្រជាពលរដ្ឋជាទស្សនិកជន និងអ្នកស្តាប់ទាំងអស់ទទួលព័ត៌មានគ្រប់ពេលវេលាដោយគ្មានការអាក់ខាន។ សម្រាប់គ្រប់គណ:កម្មការនានា នៅក្នុងក្រសួងព័ត៌មានត្រូវបន្តពង្រឹង នូវរាល់កិច្ចសហការជាមួយគ្រប់ភាគីពាក់ពន្ធ័ទាំងអស់ ហើយត្រូវបង្កើតជាគណនេយ្យមួយ ដើម្បីធ្វើយ៉ាងណាអោយការគ្រប់គ្រងចំណូលចំណាយ ដែល គណ:កម្មការនីមួយៗ ប្រើប្រាស់ឲ្យមានតម្លាភាព និងសន្សុំសំចៃនៅក្នុងបរិបទនៃការឆ្លងរីករាលដាលនៃជំងឺកូវីដនេះ។
តាមការបញ្ជាក់របស់ ឯកឧត្តម មាស សុភណ្ឌ អនុរដ្ឋលេខាធិការ និងជាអ្នកនាំពាក្យ ក្រសួងព័ត៌មាន បានជម្រាបជូនថា សម្រាប់កិច្ចប្រជុំប្រចាំសប្តាហ៏នេះដែរ ថ្នាក់ដឹកនាំ ទាំងអស់បានពិនិត្យមើលលើវឌ្ឍន៏ភាពការងារ របស់បណ្តាអគ្គនាយកដ្ឋានទាំង៥ ចំនុះអោយក្រសួងព័ត៌មាន ក៏ដូចជាគណ:កម្មការ ផ្សេងៗដែលដឹកនាំដោយ ឯកឧត្តម លោកជំទាវ ជារដ្ឋលេខាធិការ ដែលមានភារកិច្ចដឹកនាំបំរើកិច្ចការងារប្រចាំថ្ងៃ របស់ក្រសួងព័ត៌មាន ដោយក្នុងនោះ បានបង្ហាញពីលទ្ធផលការងារដែលប្រព្រឹត្តទៅសម្រេចបានតាមផែនការដែលបានដាក់ចុះ ហើយក៏ត្រូវបន្តអនុត្តន៏អោយបានជោគជ័យ ក៏ដូចជាមានប្រសិទ្ធភាព ទៅលើផែនការណ៏ដែលត្រូវអនុត្តន៏នៅក្នុងសប្តាហ៏បន្តទៅមុខទៀត៕
