បើតាមក្រុមការងារទទួល និងដឹកជញ្ជូនប្រជាពលករខ្មែរ ដែលបានវិលត្រឡប់មកពីប្រទេសថៃ របស់រដ្ឋបាលខេត្តសៀមរាប បានឲ្យដឹងថា នៅថ្ងៃទី២០ ខែកក្កដា ឆ្នាំ២០២១ គិតត្រឹមម៉ោង៦ល្ងាច មានប្រជាពលរដ្ឋចំណាក់ស្រុកដែលវិលត្រឡប់មកពីប្រទេសថៃចូលមកប្រទេសកម្ពុជា តាមច្រកអន្តរជាតិប៉ោយប៉ែត, ច្រករបៀងអូរបីជាន់ និងច្រករបៀងម៉ាឡៃ ខេត្តបន្ទាយមានជ័យ, ច្រកអន្តរជាតិអូរស្មាច់ ខេត្តឧត្តរមានជ័យ, ច្រកព្រំ ខេត្តប៉ៃលិន និងច្រកដូង ស្រុកកំរៀង ខេត្តបាត់ដំបង មានចំនួនសរុប៣២៩នាក់ ស្រី១៥២នាក់ កុមារី១នាក់។
ចំពោះប្រជាពលរដ្ឋដែលត្រឡប់មកនោះរួមមាន៖
១.សម្រាប់ច្រកអន្តរជាតិប៉ោយប៉ែត៖ មានចំនួន ១០នាក់ ស្រី ៥នាក់ កុមារី១នាក់ ។
២.សម្រាប់ច្រករបៀងអូរបីជាន់៖ មានចំនួន ១៥នាក់ ស្រី ៦នាក់ ។
៣.សម្រាប់ច្រករបៀងម៉ាឡៃ៖ មានចំនួន ៣នាក់ ស្រី ២នាក់ ។
៤.ច្រកដូង ស្រុកកំរៀង និងស្រុកសំពៅលូន ខេត្តបាត់ដំបង៖ មានចំនួន ៦នាក់ ស្រី២នាក់ ។
៥.សម្រាប់ច្រកអន្តរជាតិអូរស្មាច់៖ មានចំនួន ២៩៥នាក់ ស្រី ១៣៧នាក់ ចំពោះពលករមកតាមច្រកអូរស្មាច់នេះដែរ មិនមែនមានតែបងប្អូនពលករខេត្តសៀមរាបទេ គឺរួមទាំងបណ្តាខេត្តផ្សេងទៀតផងដែរ។
សូមបញ្ជាក់ថា៖ ពលរដ្ឋចំនាកស្រុកដែលវិលត្រឡប់មកពីប្រទេសថៃចូលមកកាន់ខេត្តសៀមរាបទាំង ៣២៩នាក់ ត្រូវបានក្រុមការងារគ្រូពេទ្យ ប្រចាំការតាមច្រកព្រំដែននីមួយៗ ពិនិត្យសុខភាពបឋមលើសុខភាព និងយកសំណាកពលករទាំងអស់ ហើយប្រសិនក្នុងករណីសុខភាពធម្មតាដោយតម្រូវឱ្យធ្វើចត្តាឡីស័ក នៅមណ្ឌលចត្តាឡីស័ក រយ:ពេល ១៤ថ្ងៃ នៅតាមបណ្តាខេត្ត នៃច្រកព្រំដែនខេត្តនោះ។ ចំពោះក្នុងករណីមានវិជ្ជមាន ក៏តម្រូវដាក់ឱ្យព្យាបាលនៅតាមខេត្ត នៃច្រកព្រំដែនខេត្តនោះ។ ដោយឡែក ចំពោះបងប្អូនពលករដែលមកតាមច្រកព្រំដែនអូរស្មាច់ ខេត្តឧត្តរមានជ័យ ត្រូវបានបញ្ជូនមកខេត្តសៀមរាបទាំងអស់ ក្រោយពីពិនិត្យសុខភាពបឋមរួច ដោយនៅថ្ងៃទី២០ ខែកក្កដានេះ ក្រុមការងារបានបញ្ជូនបងប្អូនចំណាកស្រុក ដែលបមកពីបណ្តាខេត្តតាមព្រំដែន មានប្រជាពលរដ្ឋចំនួន ២៩៥នាក់ ត្រូវបញ្ជូនមកខេត្តសៀមរាប៕
ប្រភព៖ ក្រុមការងារប្រចាំការតាមព្រំដែនរបស់រដ្ឋបាលខេត្តសៀមរាប
កែសម្រួល៖ លោក អ៊ុន ណារាជ្យ
