តាមរយៈអនុក្រឹត្យស្ដីពីការតែងតាំងមន្ត្រីរាជការ លេខ ១០៤ អនក្រ.តត ចុះថ្ងៃទី៣១ ខែមករា ឆ្នាំ២០១៩ របស់រាជរដ្ឋាភិ បាលកម្ពុជា ដែលចុះហត្ថលេខាដោយសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្រេចតែងតាំងលោក នាក់ ណេរ៉ុន ឋានន្តរស័ក្ដិឧត្តមមន្ត្រី ថ្នាក់លេខ៦ ឱ្យចូលកាន់តំណែងជាអភិបាលរង នៃគណៈអភិបាលខេត្តសៀមរាប ។
លោក លី សំរិទ្ធ អភិបាលរងខេត្ត និងជាអ្នកនាំពាក្យរដ្ឋបាលខេត្តសៀមរាប បានមានប្រសាសន៍ថា ពិតជាមានការតែងតាំងលោក នាក់ ណេរ៉ុន ជាអភិបាលរងខេត្តសៀមរាបពិតប្រាកដមែន តែមិនទាន់មានគោលការណ៍ពីក្រសួងមហាផ្ទៃ ស្ដីពីការកំណត់ថ្ងៃប្រកាសចូលកាន់តំណែងនេះនៅឡើយ ។
លោក លី សំរិទ្ធ មានប្រសាសន៍ទៀតថា មុនចូលកាន់តំណែងជាអភិបាលរងខេត្តសៀមរាបនេះ លោក នាក់ ណេរ៉ុន ជាអភិបាលស្រុកស្រីស្នំ និង ជាអតីតអភិបាលស្រុកវ៉ារិន ហើយលោកបានកាន់ការងារជាអភិបាលស្រុកនេះជាង ១០ឆ្នាំមកហើយ៕
អត្ថបទ និង រូបថត ៖ លោក ម៉ាត់ អារីហ្វីន
កែសម្រួលអត្ថបទ : លោក លីវ សាន្ត
