នៅព្រឹកថ្ងៃទី១៣ ខែសីហា ឆ្នាំ២០២១នេះ លោក គី វីរិន្ទ ប្រធានមន្ទីរសាធារណការ និងដឹកជញ្ជូន ខេត្ដសៀមរាប រួមជាមួយថ្នាក់ដឹកនាំ និងមន្ត្រីរាជការក្រោយមឱវាទ បាននាំយកទ័យទានដែរជាអំណោយរបស់ ឯកឧត្ដមទេសរដ្ឋមន្ដ្រី ស៊ុន ចាន់ថុល រដ្ឋមន្ដ្រីក្រសួងសាធារណការ និងដឹកជញ្ជូន ព្រមទាំងលោកជំទាវ និងបុត្រាបុត្រី ប្រគេនជូនដល់ព្រះសង្សនៅវត្តចំនួន៣ ក្នុងក្រុងសៀមរាប រួមមាន វត្តព្រះព្រហ្មរ័ត្ន វត្តដំណាក់ និង វត្តរាជបូព៌ ដោយក្នុងមួយវត្តមាន៖ អង្ករ ៥០០គីឡូក្រាម និងបច្ច័យចំនួន ២,០០០,០០០រៀល។
ព្រះមហាវិមលធម្ម ពិន សែម សិរិសុវណ្ណោ ព្រះចៅអធិការវត្តរាជបូព៌ បានសម្ដែងនូវសេចក្ដីរីករាយក្រៃលែង ចំពោះឯកឧត្តមរដ្ឋមន្ត្រី ដែរបានចាត់ក្រុមការងារមកប្រគេនទ័យទានដល់ព្រះសង្សនៅពេលនេះ ដែលបញ្ជាក់ឲ្យឃើញកាន់តែច្បាស់ ចំពោះទឹកចិត្តជ្រះថ្លារបស់ឯកឧត្តមរដ្ឋមន្ត្រី ដែលបានចូលរួមដោយចិត្តជ្រះថ្លា ក្នុងការលើកកម្ពស់វិស័យពុទ្ធសាសនានៅគ្រប់កាលៈទេសៈ ជាពិសេសក្នុងអំឡុងពេលវិបត្តិនៃជំងឺកូវីដ-១៩ ដែលទីអារាមនានាក្នុងខេត្តសៀមរាប ពុំមានប្រារព្ធពិធីសាសនាលក្ខណៈទ្រង់ទ្រាយតូចធំណាមួយឡើយ ដែលនេះជាការចូលរួមគោរពតាមសេចក្ដីណែនាំ របស់រាជរដ្ឋាភិបាលកម្ពុជាក៏ដូចជាក្រសួងសុខាភិបាល។
មានប្រាសសន៍ក្នុងឱកាសនោះដែរ ក្នុងនាមឯកឧត្ដមទេសរដ្ឋមន្ដ្រី លោក គី វីរិន្ទ បានលើកឡើងថា ការអភិវឌ្ឍរបស់ប្រទេសកម្ពុជានាពេលបច្ចុប្បន្ននេះ មិនអាចកាត់ផ្តាច់ចេញពីវិស័យពុទ្ធសាសនាបាននោះឡើយ មានន័យថា ការអភិវឌ្ឍប្រកបដោយនិរន្តរភាព គឺផ្អែកទៅលើកត្តាដាក់ចេញនូវយុទ្ធសាស្ត្រចក្ខុវិស័យ និងគោលនយោបាយឈ្នះៗ ក្នុងនោះក៏ត្រូវមានការចូលរួមពីពុទ្ធសាសនាដោយបណ្ដុះសីលធម៌ សតិបញ្ញា ស្មារតីការគោរពដឹងគុណ និងការបណ្ដុះបណ្ដាលធនធានមនុស្សតាមបែបពុទ្ធសាសនា។ ក្រោមម្លប់សន្ដិភាពតាមរយ:នយោបាយឈ្នះៗ ការដឹកនាំប្រកបដោយគតិបណ្ឌិតរបស់សម្ដេចតេជោ នាយករដ្ឋមន្ត្រី ប្រទេសកម្ពុជាមានការអភិវឌ្ឍលើគ្រប់វិស័យទាំងផ្លូវពុទ្ធចក្រ និងអាណាចក្រ។ ជាមួយគ្នានោះដែរ លោកក៏សូមអំពាវនាវដល់ព្រះសង្ស និងពុទ្ធបរិស័ទគ្រប់មជ្ឈដ្ឋានសូមចូលរួមអនុវត្តតាមវិធានការរបស់រាជរដ្ឋាភិបាលកម្ពុជា គឺ ៣ការពារ ៣កុំ និងត្រូវតែបន្តបង្កើនការប្រុងប្រយ័ត្នខ្ពស់បន្ថែមទៀត ដោយចូលរួមអនុវត្តតាមសេចក្តីណែនាំរបស់ក្រសួងសុខាភិបាលឲ្យបានគ្រប់ៗគ្នា៕
