មានប្រសាសន៍ក្នុងឱកាសនៃកិច្ចប្រជុំសាមញ្ញប្រចាំសប្តាហ៏ថ្នាក់ដឹកនាំក្រសួងព័ត៌មាន តាមរយៈដោយផ្ទាល់ និងតាមរយះប្រពន្ធ័វិឌីអូ នៅព្រឹកថ្ងៃទី២៣ ខែសីហា ឆ្នាំ២០២១ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានណែនាំដល់អនុគណ:កម្មការនីមួយៗ ដែលទទួលបន្ទុកការងារ រៀបចំនៃកិច្ចប្រជុំកំពូលអាស៊ីអឺរ៉ុប ASEM លើកទី១៣ នាខែវិច្ឆិកាខាងមុខនេះ ដែលកម្ពុជាធ្វើជាម្ចាស់ផ្ទះនៃកិច្ចប្រជុំ គឺត្រូវត្រៀមលក្ខណ:លើគ្រប់ការងារ ទាំងផ្នែកបច្ចេកទេសការផ្សព្វផ្សាយឲ្យបានល្អទាំងសំឡេង និងរូបភាព ព្រោះថាកិច្ចប្រជុំនោះធ្វើឡើងតាមប្រពន្ធ័ Zoom ។
បើតាមឯកឧត្តម មាស សុភ័ណ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន ក៏បានជម្រាបជូនពីលទ្ធផលសំខាន់ៗ មួយចំនួនដែលថ្នាកដឹកនាំ មន្រ្តីរាជការនៃក្រសួងព័ត៌មានរួមគ្នាសម្រេចអនុវត្តន៏បានក្នុង១សប្តាហ៏កន្លងមកនេះ នឹងបានដាក់ចេញនូវផែនការសកម្មភាពការងារសម្រាប់អនុវត្តន៏ នៅសប្តាហ៏បន្ទាប់ ពិសេសប្រពន្ធ័ផ្សពផ្សាយរបស់ជាតិត្រូវបង្កើនប្រសិទ្ធក្នុងការផលិតកម្មវិធីផ្សេងៗ ដែលកាន់តែមានការទាក់ទាញ ហើយសម្រាប់ការងារព័ត៌មាន គឺត្រូវបន្តផ្សាយនូវរាល់ដំណឹងថ្មីៗ ទាន់ហេតុការណ៏ ព្រឹត្តការណ៏ និងវិធានការណ៏នានារបស់ក្រសួងសុខាភិបាល និងប្រមុខរាជរដ្ឋាភិបាលក្នុងការរួមគ្នាប្រយុទ្ធប្រឆាំងការឆ្លងរីករាលដាលជំងឺកូវីដ-១៩ ។ នៅក្នុងឱកាសនៃកិច្ចប្រជុំនោះដែរ ឯកឧត្តមលោកជំទាវ ជាថ្នាក់ដឹកនាំទាំង៥ អគ្គនាយកដ្ឋាន ព្រមទាំងឯកឧត្តមលោកជំទាវជារដ្ឋលេខាធិការ អនុរដ្ឋលេខាធិការទទួលបន្ទុកកិច្ចការងាតាមជំនាញនីមួយៗ បានធ្វើរបាយការណ៏ជម្រាប ជូនពីវឌ្ឍនភាពការងារសំខាន់ៗ ដែលសម្រេចអនុវត្តន៏បានក្នុង១សប្តាហ៏កន្លងមកនេះ និងបានលើកពីផែនការសកម្មភាព ការងារដែលត្រូវបំពេញនៅសប្តាហ៏បន្តបន្ទាប់ទៅមុខទៀតឲ្យទទួលបានលទ្ធផលថ្មីៗ បន្ថែមទៀត។
ជាមួយនោះបន្ទាប់ពីអគ្គនាយកដ្ឋានទូរទស្សន៏ជាតិកម្ពុជា បានជម្រាបជូនពីការត្រៀមរៀបចំការប្រកួតប្រជែងរ៉ូបូតថ្នាក់ជាតិ លើកទី៨ ឆ្នាំ២០២១ ដែលប្រព្រឹត្តទៅនៅថ្ងៃទី២៦ ខែកញ្ញា ឆ្នាំ២០២១ និងកម្មវិធីកីឡាប្រដាល់ប្រចាំសប្តាហ៍របស់ ទទក ដែលកិច្ចការងារនេះ ឯកឧត្តម ខៀវ កាញារីទ្ធ បានជម្រុញលើកទឹកចិត្តអោយក្រុមការងាររៀបចំទាំងអស់ត្រូវប្រឹងប្រែងសហការគ្នាអោយបានល្អ ព្រោះកម្មវិធីប្រកួតប្រជែងរ៉ូបូតថ្នាក់ជាតិ មានសារសំខាន់បង្ហាញពីគំនិតច្នៃប្រឌិតបង្ហាញពីការសិក្សាស្រាវជ្រាវរបស់និស្សិតខ្មែរអំពីសមត្ថភាពដល់ប្រជាពលរដ្ឋបានដឹងទាំងនៅថ្នាក់ជាតិ និងអន្តរជាតិ។ ទន្ទឹមនេះក៏បានបង្ហាញពីកិច្ចខិតខំប្រឹងប្រែងរបស់ក្រសួងព័ត៌មាន ក្នុងការលើកកម្ពស់កម្មវិធីប្រកួតប្រជែងរ៉ូបូត ទាំងនៅថ្នាក់ជាតិ និងអន្តរជាតិផងដែរ។ សម្រាប់កម្មវិធីប្រដាល់ប្រចាំសប្តាហ៍ នៅស្ថានីយ៍ទូរទស្សន៏ជាតិកម្ពុជា ដែលគ្រោងធ្វើឡើងនៅក្នុងខែតុលាខាងមុខនេះ ឯកឧត្តមរដ្ឋមន្រ្តី បានធ្វើការណែនាំដល់អគ្គនាយកដ្ឋានទូរទស្សន៏ជាតិកម្ពុជា ត្រូវយកចិត្តទុកដាក់សហការ ជាមួយក្រុមការងារបច្ចេកទេស និងផ្នែកពាក់ពន្ធ័ទាំងអស់ ដោយត្រូវធ្វើយ៉ាងណាអោយដំណើរការ រៀបចំកម្មវិធីផ្សាយ និងកម្មវិធីប្រកួត អោយទទួលបានជោគជ័យដើម្បីបំរើដល់ការទស្សនារបស់ប្រជាលរដ្ឋទូទៅ។
ក្នុងឱកាសនៃកិច្ចប្រជុំនោះដែរ ឯកឧត្តមរដ្ឋមន្រ្តី ខៀវ កាញារីទ្ធ បានលើកឡើងពីចលនារបស់ប្រមុខរាជរដ្ឋាភិបាលកម្ពុជា ក្នុងការទិញផ្លែមៀន និងតាង៉ែន ពីប្រជាកសិករ ដោយក្នុងនោះបានបង្ហាញពីការចូលរួមរបស់ប្រជាជនដែលមានជីវភាពធូរធា ក្នុងឆន្ទះ សាមគ្គីភាពជួយទិញនៅពេលកសិករ កំពុងជួបការលំបាករកទីផ្សារលក់កសិផល ផែ្លមៀន និងតាង៉ែន ហើយក្នុងនោះក្រសួងព័តមាន គឺជាក្រសួងមួយក្នុងចំណោមក្រសួង ស្ថាប័នដទៃដែលបានចូលរួមក្នុងចលនា ទិញផ្លែមៀន ចំនួន ១តោន ដើម្បីយកមកចែកជូនដល់ថ្នាក់ដឹកនាំ មន្រ្តីរាជការក្រសួងព័ត៌មាន បានពិសាទាំងអស់គ្នាផងដែរ៕