ក្រោមការយកចិត្តទុកដាក់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី និងជាប្រធានសមាគមអតីតយុទ្ធជនកម្ពុជា នៅព្រឹកថ្ងៃទី២៦ ខែសីហា ឆ្នាំ២០២១នេះ បងប្អូនអតីតយុទ្ធជន នៅខេត្តសៀមរាប បានទទួលការចាក់វ៉ាក់សាំងដូសទី៣ ឬដូសជម្រុញ ដើម្បីទប់ស្កាត់ការឆ្លងមេរោគកូវីដ-១៩ ប្រភេទ Astra Zeneca នៅមន្ទីរពេទ្យបង្អែកខេត្តសៀមរាប និងនៅតាមបណ្តាទីតាំងមណ្ឌលសុខភាពស្រុកក្នុងខេត្តសៀមរាប។
ឧត្តមសេនីយ៍ទោ ស៊ិន ភាត់ ប្រធានសមាគមអតីតយុទ្ធជនកម្ពុជាខេត្ត និងជាមេបញ្ជាការតំបន់ប្រតិបត្តិការសឹករងសៀមរាប បានឲ្យដឹងថា ក្នុងខេត្តសៀមរាបមានបងប្អុនអតីតៈយុទ្ធជនចំនួនជាង ៦ពាន់នាក់ ក្នុងបានមកទទួលចាក់វ៉ាក់សាំងប្រឆាំងមេរោគកូវីដ-១៩ ទាំង២លើក ចំនួន ៥,៥៩៤នាក់។ ជាក់ស្តែងថ្ងៃនេះ បងប្អូនសមាជិកសមាគមអតីតយុទ្ធជនកម្ពុជា ក្នុងក្រុងសៀមរាប ចំនួន១,៤០០នាក់ហើយ បានទទួលចាក់វ៉ាក់សាំងនៅមន្ទីរពេទ្យបង្អែកខេត្ត និងមណ្ឌលសុខភាព៣មណ្ឌល ហើយចំពោះបងប្អូនអតីតយុទ្ធជននៅតាមបណ្តាស្រុកទាំង១១ ចាក់នៅតាមមន្ទីរពេទ្យបង្អែកស្រុក និងមណ្ឌលសុខភាពមួយចំនួនដែលបានកំណត់ផងដែរ។
លោកឧត្តមសេនីយ៍ទោ ក៏បានគោរពថ្លែងអំណរគុណសម្តេចអគ្គតេជោ ហ៊ុន សែន នាយករដ្ឋមន្ត្រី និងសម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងឯកឧត្តមនាយឧត្តមសេនីយ៍ គន់ គីម ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ និងជាអគ្គលេខាធិការគណៈអចិន្ត្រៃយ៍នៃសមាគមអតីតយុទ្ធកម្ពុជា ក៏ដូចអាជ្ញាធរខេត្តសៀមរាប ដែលបានផ្ដល់វ៉ាក់សាំងប្រឆាំងមេរោគកូវីដ-១៩ ដូសទី៣ សម្រាប់ចាក់ជូនដល់បងប្អូនជាសមាជិកសមាគមអតីតយុទ្ធជនកម្ពុជាខេត្តសៀមរាបពេល ដើម្បីការពារអាយុជីវិតទប់ស្កាត់ការឆ្លងមេរោគកូវីដ-១៩ ខណៈពេលដែលមានចំនួនអ្នកឆ្លងកើនឡើងគួរឲ្យព្រួយបារម្ភ។
ព័ត៌មានជាតិ ថ្មីៗ
ក្នុងឱកាសនោះដេរលោកឧត្តមសេនីយ៍ទោ ក៏បានធ្វើការណែនាំ និងផ្តាំផ្ញើដល់បងប្អូនអតីតយុទ្ធជនទាំងអស់គ្នា ទោះបានទទួលវ៉ាក់សាំងទាំង៣ដូសក្ដី ក៏ត្រូវតែបន្តការប្រុងប្រយ័ត្នជាប់ជានិច្ច និងអនុវត្តន៍ឲ្យបានជាប្រចាំទៅតាមការណែនាំរបស់ក្រសួងសុខាភិបាល និងអនុវត្តនូវវិធានការ ៣កុំ ៣ការពារ របស់រាជរដ្ឋាភិបាល ដើមី្បជៀសផុតពីការឆ្លងនូវមេរោគដ៏កាចសាហាវកូវីដ-១៩ ក៏ដូចជាមេរោគបំប្លែងថ្មីប្រភេទ ឌែលតា ដែលមានហានិភ័យខ្ពស់ដល់អាយុជីវិត៕
អត្ថបទ និងរូបភាព៖ លោក ម៉ី សុខារិទ្ធ
កែសម្រួល៖ លោក អ៊ុន ណារាជ្យ
