រយៈពេល១ខែ ១០ថ្ងៃ ចាប់ពីថ្ងៃទី១៥ ខែកក្កដា ដល់ថ្ងៃទី២៥ ខែសីហា ឆ្នាំ២០២១ ក្រុមគ្រូពេទ្យនៃកងពលអន្ដរាគមន៍លេខ៨ ចំណុះអោយកងពលធំលេខ៣ ខេត្ដព្រះវិហារ បានបញ្ចប់បេសសកម្មរបស់ខ្លួនក្នុងយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋដោយជោគជ័យ នៅលើទឹកដីស្រុកអង្គរធំ ខេត្ដសៀមរាប កាលពីថ្ងៃទី២៤ ខែសីហា ឆ្នាំ២០២១កន្លងទៅ។
ឯកឧត្ដម ផៃ សុខខេង នាយករងខុទ្ធការល័យសម្ដេចពិជ័យសេនា ទៀ បាញ់ និងជាប្រធានកិត្តិយសនៃក្រុមការងារចុះជួយប្រជាពលរដ្ឋនៅឃុំពាក់ស្នែង ស្រុកអង្គរធំ ខេត្ដសៀមរាប មានប្រសាសន៍កាលពីល្ងាចថ្ងៃទី២៥ ខែសីហានេះថា ក្រុមការងារដែរបំពេញបេសកកម្មចាក់វ៉ាក់សាងជូនប្រជាពលរដ្ឋស្រុកអង្គរធំ មានចំនួនជាង១០០នាក់ ក្នុងនោះមានកម្លាំងយោធាមកពីកងពលអន្ដរាគមន៍លេខ៨ ខេត្ដព្រះវិហារ ចំណុះអោយកងពលលេខ៣ កម្លាំងយុវជនសសយក និងកម្លាំងអាជ្ញាធរមូលដ្ឋាន ដោយពួកគាត់បានមកប្រចាំការប្រមាណជាង១ខែ១០ថ្ងៃ ដែលមកដល់ពេលនេះ ក្រុមគ្រូពេទ្យបានបញ្ចប់បេសសកម្មរបស់ខ្លួន ដោយជោគជ័យ។ ក្នុងរយៈពេលជាងកន្លះខែនេះ ក្រុមគ្រូពេទ្យបានខិតខំបំរើនការងារជូនប្រជាពលរដ្ឋយ៉ាងមមាញឹក ដោយមិនអោយមានការទាស់ចិត្ដប្រជាពលរដ្ឋនោះទេ ពោលការបំពេញបេសសកម្មលើការងារនេះចាក់វ៉ាក់សាំងនេះ ពួកគាត់បានខិតខំអស់ពីកម្លាំងកាយចិត្ដ ស្ទើរតែគ្មានពេលសំរាកឡើយ ដើម្បីធ្វើយ៉ាងណាឱ្យការចាក់វ៉ាក់សាំងនេះ សម្រេចតាមផែនការគ្រោងទុករបស់រាជរដ្ឋមាភិបាលកម្ពុជា។ ជាមួយគ្នានោះក្រុមការងារក្នុងយុទ្ធនាការនេះ គឺជាកម្លាំងបំរើការងារដោយស្ម័គ្រចិត្ដ ដើម្បីធ្វើឱ្យប្រជាពលរដ្ឋទទួលបាននូវថ្នាំវ៉ាក់សាំងបង្ការជំងឺកូវីដ-១៩ គ្រប់ៗគ្នា ធ្វើយ៉ាងណាឱ្យប្រជាពលរដ្ឋអស់ក្ដីបារម្ភពីការឆ្លងជំងឺដ៍សាហាវមួយនេះ។
មានប្រសាសន៍ក្នុងឱកាសជួបសំណេះសំណាល និងសួរសុខទុក្ខក្រុមគ្រូពេទ្យក្រោយបញ្ចប់បេសសកម្មនេះដែរ ឯកឧត្តម ស ថាវី ប្រធានក្រុមការងារសម្របសម្រួលការចាក់វ៉ាក់សាំងស្រុកអង្គរធំ និងជាអនុរដ្ឋលេខាក្រសួងការពារជាតិ បានបានថ្លែងអំណរគុណដល់ក្រុមគ្រូពេទ្យ នៃកងពលអន្ដរាគមន៍លេខ៨ ទាំងអស់ ដែលបានខិតខំបំរើការងារចាក់វ៉ាក់សាំងបង្ការជំងឺកូវីដ-១៩ ដល់ប្រជាពលរដ្ឋនៅស្រុកអង្គរធំ ខេត្ដសៀមរាបកន្លងមក។ ឯកឧត្ដមបានបញ្ជាក់ថា ការផ្ដល់វ៉ាក់សំាងជូនប្រជាពលរដ្ឋក្នុងឃុំទាំង៤ នៃស្រុកអង្គរធំ មានប្រជាពលរដ្ឋមកទទួលវ៉ាក់សាំងដូសទី១ ចំនួន១៥,៤០០នាក់ និងដូសទី២ មានចំនួន១៥,០៦៨នាក់ នៅខ្វះជាង ៣០០នាក់ទៀតដែរមិនបានមកទទួលដូសទី២នេះ។ ចំពោះការចាក់វ៉ាក់សាំងបង្ការជំងឺកូវីដ-១៩ ទាំងពីរដូសនេះដែរ ក្រុមការងាររៀបចំបានយ៉ាងរលួន ដោយមួយថ្ងៃអាចចាក់ជូនពួកគាត់ប្រមាណជិតមួយពាន់នាក់៕
អត្ថបទ និង រូបភាព៖ លោក ឈិត សាវី
កែសម្រួល៖ លោក អ៊ុន ណារាជ្យ
