ក្នុងឱកាសអញ្ជើញចូលជួបសំដែងការគួរសមជាមួយឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន នៅព្រឹកថ្ងៃទី៣១ ខែសីហា ឆ្នាំ២០២១លោក Hgung Geun Lee អគ្គនាយកសាខាថ្មី ក្រុមហ៊ុន SAMSUNG ប្រចាំកម្ពុជា បាននាំយកនូវផលិតផលចុងក្រោយគេបង្អស់ជាទូរសព្ទ័ប្រភទថ្មី Galaxy Z Fold 3 ជូនដល់ក្រសួងព័ត៌មាន ធ្វើការសាកល្បងប្រើប្រាស់។
លោក Hgung Geun Lee បានជម្រាបជូនថា ក្រុមហ៊ុន SAMSUNG បានធ្វើការផលិតទូរទសព្ទ័ប្រភេទថ្មីនេះ ដែលជាបច្ចេកវិទ្យាចុងក្រោយ របស់ក្រុមហ៊ុនបានរចនាឡើងប្រកបដោយគុណភាពខ្ពស់ និងមានភាពល្បឿនរហ័សច្បាស់ជាងមុន។ បើតាមការបញ្ចាក់របស់ លោកអគ្គនាយកថ្មី ក្រុមហ៊ុន SAMSUNG ប្រចាំកម្ពុជា បានអោយដឹងថា ទូរសព្ទ័ប្រភទថ្មី Galaxy Z Fold ៣ ទើបតែមាននៅក្នុងប្រទេសអូស្ត្រាលី ប្រទេសថៃ និងនៅកម្ពុជាតែប៉ុណ្ណោះ ហើយសម្រាប់នៅកម្ពុជា មិនមែនសម្រាប់លក់នោះទេសម្រាប់ធ្វើ VIP Marketing ។
ឯកឧត្តមរដ្ឋមន្រ្តី ខៀវ កាញារីទ្ធ បានសំដែងនូវការស្វាគមន៏ចំពោះ លោក Hgung Geun Lee ដែលជាអគ្គនាយកថ្មី នៃក្រុមហ៊ុន SAMSUNG ប្រចាំកម្ពុជា និងសូមអោយបេសកកម្មការងាររបស់លោកទទួលបានជោគជ័យ។ ឯកឧត្តម រដ្ឋមន្រ្តី ខៀវ កាញារីទ្ធ បានបញ្ជាក់ថា រាល់ផលិតផលរបស់ក្រុម SAMSUNG សាធារណរដ្ឋកូរ៉េ គឺមានគុណភាពល្អក្នុងការប្រើប្រាស់ទាំងទូរសព្ទ័ កុំព្យូរទ័រ និង Galaxy Tab ជាដើម ហើយឯកឧត្តមរដ្ឋមន្រ្តី ក៏ជាអតិថិនមួយរូបដែលតែងបានប្រើប្រាស់ផលិតផល របស់ក្រុមហ៊ុន SAMSUNG ព្រោះងាយស្រួលប្រើប្រាស់ និងមានគុណភាពច្បាស់ល្អ រូមទាំងមានប្រពន្ធ័បច្ចេកវិទ្យាទំនើបថែមទៀតផង៕
ព័ត៌មានជាតិ ថ្មីៗ
ប្រភព៖ ទូរទស្សន៍ជាតិកម្ពុជា
