នៅព្រឹកថ្ងៃទី០៤ ខែកញ្ញា ឆ្នាំ២០២១ ឯកឧត្តម គុជ លីណា សមាជិកក្រុមប្រឹក្សាខេត្តសៀមរាប និងលោកជំទាវ និងលោកអភិបាលស្រុកប្រាសាទបាគង បាននាំយកអំណោយដ៏ថ្លៃថ្លារបស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន រួមមាន ៖ អង្ករចំនួន៥០គីឡូក្រាម ,ទឹកដោះគោចំនួន ០២កេស , ស្ករសចំនួន ០៥គីឡូក្រោម , ក្រម៉ាចំនួន០២ , សារ៉ុងចំនួន ០២ និងថវិកាចំនួន៥លានរៀល ប្រគល់ជូនដល់គ្រួសារដែលមានកូនភ្លោះ០៣នាក់ ប្រុសទាំង០៣ ស្ថិតក្នុងភូមិគោកធ្លក ឃុំកណ្តែក ស្រុកប្រាសាទបាគង ។
គួររំលឹកថា កូនទាំង០៣នាក់នេះ បានសម្រាលកាលពីវេលាម៉ោង១០ និង៤០នាទីព្រឹក នាថ្ងៃទី២៩ ខែសីហា ឆ្នាំ២០២១ នៅមន្ទីរពេទ្យព្រះបាទជ័យវរ្ម័នទី៧ ដោយមានឪពុកឈ្មោះ ចិន ទ្រា អាយុ៣០ឆ្នាំ និងម្តាយឈ្មោះ សុខ សៅ អាយុ៣៣ឆ្នាំ ។
មានប្រសាសន៍ក្នុងឱកាសនោះ ឯកឧត្តម គុជ លីណា បានពាំនាំនូវការផ្តាំផ្ញើសាកសួរសុខទុក្ខពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលបានយកចិត្តទុកដាក់គិតគូរ ចំពោះសុខទុក្ខរបស់ ប្រជាពលរដ្ឋ ហើយជំនួយឧបត្ថម្ភទាំងអស់នេះ គឺជាអំណោយទានដែលបានកើតចេញពីទឹកចិត្តជ្រះថ្លា ប្រកបដោយការគិតគួរខ្ពស់របស់សម្តេចតេជោ និងសម្តេចកិត្តិព្រឹទ្ធបណ្ឌិត ដែលបានឈ្វេងយល់ពីការលំបាកពិតប្រាកដ ចំពោះប្រជាពលរដ្ឋដែលបានប្រសូត្រទារកភ្លោះបីពិតប្រាកដ ជាពិសេសការផ្តល់អំណោយជូនក្រុមគ្រួសារកូនភ្លោះទាំង៣នោះ គឹសម្តេចមិនបានប្រកាន់ពូជសាសន៍ និងនិន្នាការនយោបាយដែរ ឲ្យតែបងប្អូនប្រសូតបានកូនភ្លោះ៣ គឺទទួលបានអំណោយពីសម្ដេចទាំងពីរ មិនតែប៉ុណ្ណោះ សម្តេចតេជោបានចាត់ទុកកូនភ្លោះ៣ ជាចៅសម្តេចថែមទៀតផង ។
ក្នុងឱកាសនោះដែរ ឯកឧត្តម គុជ លីណា បានធ្វើការក្រើនរំលឹកដល់ក្រុមគ្រួសារកូនភ្លោះបីនាក់ ត្រូវចូលរួមការពារ និង ទប់ស្កាត់ជំងឺកូវីដ-១៩ ដោយត្រូវអនុវត្តន៍ឲ្យបានខ្ជាប់ខ្ជួននូវវិធានការ និង សេចក្តីណែនាំនានារបស់ក្រសួងសុខាភិបាល ពិសេសវិធានការរបស់រាជរដ្ឋាភិបាល គឺ៣កុំ និង៣ការពារ ។
ជាមួយគ្នានេះដែរ ក្រុមគ្រួសារកូនភ្លោះបីនាក់ បានថ្លែងនូវអំណរគុណយ៉ាងជ្រាលជ្រៅបំផុតជូនចំពោះសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដែលជានិច្ចកាលតែងតែជួយដល់ប្រជាពលរដ្ឋគ្រប់កាលៈទេសៈទាំងអស់ ពិសេសពេលប្រជាពលរដ្ឋមានទុក្ខលំបាក គឺតែងតែមានវត្តមានសម្តេចទាំងទ្វេចុះជួយអន្តរាគមន៍គ្រប់ពេលវេលាផងដែរ ៕
អត្ថបទ និង រូបភាព៖ លោក ទ្រា ពន្លឺ
កែសម្រួលអត្ថបទ ៖ លោក លីវ សាន្ត
