ចំនួនមន្រ្តីប៉ូលីសដែលត្រូវបានសម្លាប់នៅក្នុងការវាយប្រហារដោយក្រុមភេរវកម្ម Daesh នៅខេត្ត Kirkuk នៅភាគខាងជើងប្រទេសអ៊ីរ៉ាក់កើនឡើងដល់ ១២នាក់។ ក្រុមសកម្មប្រយុទ្ធ Daesh បានវាយប្រហារកងពលតូចលេខ១៩ កងវរសេនាធំលេខ២ នៃមន្រ្តីប៉ូលីសសហព័ន្ធនៅក្នុងភូមិ Tal al-Steih ។ ការវាយប្រហារនេះក៏បានបណ្តាលឱ្យមន្ត្រីចំនួន ៣នាក់រងរបួសផងដែរ។
បើតាម Sputnik កាលពីថ្ងៃទី២៩ ខែសីហា រដ្ឋមន្ត្រីការបរទេសសហរដ្ឋអាមេរិក លោក Antony Blinken បានធានាចំពោះប្រធានាធិបតីអ៊ីរ៉ាក់ លោក Barham Salih ថា ប្រតិបត្តិការប្រឆាំងនឹងក្រុមភេរកម្ម Daesh មិនត្រូវបានបញ្ចប់នោះទេ ប៉ុន្តែកំពុងឈានចូលដំណាក់កាលថ្មីមួយ។ បច្ចុប្បន្ននេះ មានកងទ័ពអាមេរិកចំនួន ២ ៥០០នាក់នៅក្នុងប្រទេសអ៊ីរ៉ាក់ដែលកំពុងជួយដល់កងកម្លាំងក្នុងស្រុកដើម្បីប្រឆាំងនឹងក្រុមភេរវកម្ម។
កាលពីក្នុងខែកក្កដា ប្រធានាធិបតីសហរដ្ឋអាមេរិក លោក ចូ បៃដិន បាននិយាយថា កាលពីចុងឆ្នាំ២០២១ បេសកកម្មប្រយុទ្ធរបស់សហរដ្ឋអាមេរិកនៅអ៊ីរ៉ាក់នឹងត្រូវបញ្ចប់ ហើយបន្ទាប់ពីថ្ងៃទី៣១ ខែធ្នូ ឆ្នាំ២០២១ សហរដ្ឋអាមេរិកនឹងត្រូវបានគេរំពឹងថានឹងផ្លាស់ប្តូរទៅជាការបណ្តុះបណ្តាល និងជួយដល់កងកម្លាំងអ៊ីរ៉ាក់វិញដើម្បីប្រឆាំងនឹងក្រុមភេរវកម្មរដ្ឋអ៊ីស្លាម Daesh៕
