បើតាមសារព័ត៌មាន ចិនស៊ិនហួរ អាជ្ញាធរក្នុងស្រុកបាននិយាយពីថ្ងៃចន្ទថា មនុស្ស ១៩នាក់ ដែលជាប់នៅក្នុងអណ្តូងរ៉ែ ធ្យូងថ្មមួយ ក្នុងខេត្តគីងហៃ ប្រទេសចិនភាគពាយ័ព្យដែលជន់លិចដោយភក់ត្រូវបានគេរកឃើញស្លាប់ បន្ទាប់ពីប្រតិបត្តិការជួយ សង្គ្រោះរយៈពេល៣០ថ្ងៃ។
ឧប្បត្តិហេតុនេះបានកើតឡើងកាលពីថ្ងៃទី១៤ ខែសីហា នៅពេលដែលកម្មករអណ្តូងរ៉ែ ២១នាក់កំពុងធ្វើការនៅក្នុងអណ្តូងរ៉ែនោះដែល គ្រប់គ្រងដោយក្រុមហ៊ុន Xihai Coal Development Co.Ltd នៅក្នុងមណ្ឌល Gangca តំបន់ស្វយ័ត ហៃបីទីបេ ។ មានតែម្នាក់គត់ដែល នៅមានជីវិត។
តាមផ្នែកគ្រប់គ្រងគ្រាអាសន្នថ្នាក់ខេត្តឱ្យដឹងថា នៅថ្ងៃគ្រោះថ្នាក់នេះកម្មករអណ្តូងរ៉ែ ២នាក់ ត្រូវបានគេលើកឡើងមកលើដី ដែលរួមមានម្នាក់បានស្លាប់ផង ដោយឡែកនៅសល់ពីនេះបានជាប់៕
