ប្រទេសលីប៊ីបានប្រកាសពីការនិរទេសខ្លួនដោយស្ម័គចិត្តជនចំណាកស្រុក ខុសច្បាប់ ៥៣នាក់ ចេញពីប្រទេសលីប៊ីត្រឡប់ទៅកាន់ប្រទេសអេហ្ស៊ីប ដែលជាប្រទេសកំណើតរបស់ពួកគេវិញ។ នេះបើតាមការចុះផ្សារដោយទីភ្នាក់សារព័ត៌មានកម្ពុជា AKP នៅថ្ងៃ១៤ ខែកញ្ញានេះ។
ក្រសួងមហាផ្ទៃលីប៊ីបាននិយាយនៅក្នុងសេចក្តីថ្លែងការណ៍មួយថា ការនិរទេសនេះ ត្រូវបានគេធ្វើឡើងក្នុងការសម្របសម្រួលគ្នាជាមួយ ស្ថានទូត អេហ្ស៊ីបក្នុងប្រទេសលីប៊ី។ កិច្ចប្រឹងប្រែងទាំងនេះមានបំណងស្តារឡើងវិញតួនាទីច្បាប់នៃទីភ្នាក់ងារសន្តិសុខលីប៊ី។ ប្រទេសលីប៊ីបាននឹងកំពុងទទួលរងអសន្តិសុខ និងចលាចលចាប់តាំងពីការដួលរលំសពមេដឹកនាំលោក មួម៉ារកាដាហ្វ៊ី ក្នុងឆ្នាំ ២០១១ ដែលធ្វើឱ្យប្រទេសអាហ្វ្រិកខាងជើងនេះ ជាចំណុចដែលគួរឱ្យពេញចិត្តមួយនៃការចេញដំណើរពួកជនចំណាកស្រុកខុសច្បាប់ ដែលចង់ឆ្លងកាត់សមុទ្រម៉េឌីតែរ៉ាណេ ទៅកាន់ដីគោកអឺរ៉ុបនោះ ។
តាមអង្គការអន្តរជាតិសម្រាប់ពួកជនអន្តោប្រវេសន៍ឱ្យដឹងថា ជនចំណាកស្រុកខុសច្បាប់សរុបទាំងអស់ ២៣.៥៨៣នាក់ ត្រូវបានគេជួយ សង្គ្រោះនឹងឱ្យវិលត្រឡប់ទៅប្រទេសលីប៊ីវិញ រហូតមកដល់ឆ្នាំ នេះ ដោយឡែករាប់រយនាក់ទៀតបានស្លាប់ នឹងបាត់ខ្លួននៅឯនាយ ផ្លូវសមុទ្រម៉េឌីតែរ៉ាណេកណ្តាល។ ពួកជនចំណាកស្រុកដែលគេបានជួយសង្គ្រោះបានធ្លាក់ទៅនៅខាងក្នុងមជ្ឈមណ្ឌលទទួលដែលមានមនុស្សណែនណាន់ នៅទូទាំងប្រទេសលីប៊ី ទោះបីជាមានការអំពាវនាវជាអន្តរជាតិផ្ទួនៗគ្នាឱ្យបិទមជ្ឈមណ្ឌលទាំងនេះក៏ដោយ៕
