នាព្រឹក ថ្ងៃទី ១៨ ខែកញ្ញា ឆ្នាំ២០២១ ឯកឧត្តម ពៅ ស៊ា ប្រធានក្រុមការងារចុះជួយឃុំប្រាសាទ ស្រុកវ៉ារិន ខេត្តសៀមរាប រួមនឹងក្រុមការងារ បានអញ្ជើញចុះជួបសួរសុខទុក្ខ និងនាំយកអំណោយមួយចំនួនផ្ដល់ជូនស្ត្រីទើបសម្រាលកូន ចំនួន ៣៩នាក់ ក្នុងឃុំប្រាសាទ ស្រុកវ៉ារិន ខេត្តសៀមរាប។
មានប្រសាសន៍ក្នុងឱកាសនោះ ឯកឧត្តម ពៅ ស៊ា បានណែនាំដល់ស្រ្តីទាំងអស់ដែលទើបសម្រាលកូន សូមមើលថែកូនៗ ឲ្យមានសុខភាពល្អ មានអនាម័យ ក្នុងការរស់នៅ ព្រមទាំងត្រូវថែរទាំសុខភាពទាំងអស់គ្នា ការពារអោយបានដាច់ខាត កុំអោយកើតមានជំងឺកូវីដ-១៩ នឹងឆ្លងបន្តដល់គ្រួសារ និងសហគមន៍។ ជាមួយនោះត្រូវអនុវត្តអោយបានជាប្រចាំតាមការណែនាំរបស់ក្រសួងសុខាភិបាល ក៍ដូចជាការអំពាវនាវពីប្រមុខរដ្ឋាភិបាល នូវវិធានការការពារ ៣កុំ និង៣ការពារ ដើម្បីកាត់ផ្ដាច់ជំងឺកូវីដ-១៩ ឲ្យបាត់ពីប្រទេសកម្ពុជាយើង។
ក្នុងឱកាសនោះឯកឧត្តមប្រធានក្រុមការងារ ក៏បាននាំយកអំណោយមួយចំនួនចែកជូនដល់ស្រ្តីសម្រាលកូន ចំនួន ៣៩នាក់ ក្នុងម្នាក់ទួលបាននូវថវិកា ១០០,០០០រៀល និងមុង០១ ជាមួយនោះឯកឧត្តមក៏បានឧបត្ថមដល់ក្រុមការងារឃុំប្រសាទនូវថវិការ ចំនួន ៥០០,០០០រៀល ដើម្បីចាត់ចែងចង្ហាន់ជូនព្រះសង្ឃ វេន្តកាន់បិណ្ឌនាពេលខាងមុខផងដែរ៕
អត្ថបទ និង រូបភាព៖ លោក ខេង ឧត្តម
