នៅក្នុងដំណើរការនៃកិច្ចប្រជុំសាមញ្ញប្រចាំសប្តាហ៏ របស់ថ្នាក់ដឹកនាំ ក្រសួង ព័ត៌មាន នាព្រឹកថ្ងៃទី ១៨ ខែ កុម្ភះ ឆ្នាំ ២០១៩ ឯកឧត្តម ខៀវ កាញារីទ្ធ រដ្ឋមន្ត្រី ក្រសួង ព័ត៌មាន បានជម្រុញដល់មន្ត្រីជំនាញ ពាក់ព័ន្ធការងារសំខាន់ៗ ទាំងអស់ ត្រូវពន្លឿន ឲ្យកិច្ចការទាំងនោះ បានហើយរួចរាល់ ក្នុងនោះ សម្រាប់ អគ្គនាយកដ្ឋានវិទ្យុជាតិកម្ពុជា ត្រូវខិតខំធ្វើយ៉ាងណា ប្រមូលឯកសារ ដែលបានផ្សាយរួចហើយ ទាក់ទងទៅនិងរឿង គោលនយោបាយ ការអនុវត្តន៏ បេឡាជាតិរបប សន្តិសុខ សង្គម ប,ស,ស យកមកធ្វើការបោះពុម្ព ជាសៀវភៅ ទុកចែកជូនមន្ត្រី រាជការ ទូទៅ ក៏ដូចជាប្រជាពលរដ្ឋ បានដឹងពីសារះសំខាន់នៃ គោលនយោបាយ នេះ ដែលរាជរដ្ឋាភិបាលខិតខំប្រឹងប្រែង ធ្វើដើម្បីជា ប្រយោជន៏ សម្រាប់មន្ត្រីរាជាការ និង កម្មករ កម្មការិនី តាមបណ្តា រោងចក្រ សហគ្រាស នានា។
ទាក់ទងទៅនិងកិច្ចការងារនេះ អគ្គនាយិកាវីទ្យុជាតិកម្ពុជា បានបញ្ជាក់ ថា ក្រុមការងារ បាននឹងកំពុងខិតខំ ស្រាជ្រាវ ប្រមូលរាល់ឯកសារទាំងអស់ ទាក់ទង ទៅនិងគោលនយោបាយ ការអនុវត្តន៏ បេឡាជាតិរបបសន្តិសុខសង្គម ដែលមាន វាគ្មិនសំខាន់ៗ បានមកចូលរួមធ្វើការពន្យល់យ៉ាងច្បាស់លាស់ពីកិច្ចការងារនេះ ។ នៅក្នុងឱកាសនៃកិច្ចប្រជុំសាមញ្ញប្រចាំសប្តាហ៏ របស់ថ្នាក់ដឹកនាំ ក្រសួង ព័ត៌មាន នេះដែរ ឯកឧត្តម លោកជំទាវ ជាថ្នាក់ដឹកនាំ នៃអគ្គនាយកដ្ឋាន ទាំង ៥ ក៏ ដូចជា ឯកឧត្តម លោកជំទាវ ជារដ្ឋលេខាធិការ អនុរដ្ឋលេខាធិការ ដែលទទួកការងារ តាមជំនាញនីមួយៗ បានធ្វើរបាយការណ៏ពី វឌ្ឍនះភាពការងាររួម ដែលជំនាញ នីមួយៗសម្រេចអនុវត្តបាន ក្នុងរយះពេលកន្លងមកនេះ ក៏ដូចជាកំពុងដំណើរ អនុវត្តន៏ ទាំងកិច្ចការងារជាតិ និងជាមួយផ្នែកអន្តរជាតិ ពិសេសការត្រៀមរៀបចំ កិច្ចប្រជុំកំពូលប្រពន្ធ័ផ្សព្វផ្សាយអាស៊ានលើកទី ១៦ AMS ដែលកម្ពុជាធ្វើជា ម្ចាស់ផ្ទះ ហើយក្រសួងព័ត៌មាន ជាអ្នករៀបចំនៅក្នុងទឹកដីអង្គរនៃខេត្ត សៀមរាប នាកំឡុងខែ មិថុនា ឆ្នាំ ២០១៩ ខាងមុខនេះ ។
តាមការបញ្ជាក់របស់ មន្ត្រី ជំនាញ ទំនាក់ទំនងការងារអាស៊ាន បានលើកឡើងថា កិច្ចការងារនេះ គឺបាន នឹងកំពុងដំណើរការទៅមុខ តាមរយះកិច្ចសហការជាមួយ វិទ្យាស្ថាន តំបន់អាស៊ី ប៉ាស៊ីហ្វិក ដើម្បីអភិវឌ្ឍន៍ប្រព័ន្ធផ្សព្វផ្សាយ ហៅកាត់ថា A I B D ដោយមានការ អញ្ជើញ ថ្នាក់រដ្ឋមន្ត្រី ព័ត៌មាន អាស៊ាន ទាំងអស់ រួមជាមួយ រដ្ឋមន្ត្រី ព័ត៌មាន ចិន ក៏ដូចជាសមាជិក របស់ AMS នៅតាមបណ្តាប្រទេសនានា ជុំវិញពិភពលោក ជាច្រើនរយនាក់ នឹងមកចូលរួមក្នុងកិច្ចប្រជុំនេះដែរ។
ដូច្នេះហើយ ឯកឧត្តម រដ្ឋមន្ត្រី ខៀវ កាញារីទ្ធ ក៏បានជម្រុញដល់ផ្នែកពាក់ព័ន្ធ ទាំងអស់ ត្រូវប្រឹងប្រែង បន្តរៀបចំ គម្រោងការងារ ឲ្យបានច្បាស់លាស់ ពិសេស កិច្ចការងារ ពិធីការ ការរៀបចំកន្លែងថ្នាក់នៅ របស់គណះប្រតិភូ ទាំងអស់ គម្រោងនៃការចំណាយ និងដំណើរការនៃកិច្ចប្រេជុំ ព្រោះនេះគឺជាការ ប្រជុំលក្ខណះអន្តរជាតិ ដែលមានសារះសំខាន់ និងធំ ដែលកម្ពុជាធ្វើជាម្ចាស់ ផ្ទះរៀបចំឲ្យបានល្អបំផុត។
តាមរយះនៃកិចប្រជុំប្រចាំសប្តាហ៏នេះដែរ ក៏មានលើកនូវផែនការ ការងារ ដែលក្រសួងព័ត៌មាន ត្រូវធ្វើ គឺដំណើរការ កិច្ចប្រជុំអន្តរក្រសួង ក្នុងពិនិត្យ ពិភាក្សាលើ សេចក្តីព្រាងច្បាប់ស្តីពីសិទ្ធទទួលព័ត៌មាន ដំណើរការ នៃការរៀបំចំ សន្និបា បូកសរុប លទ្ធផលការងារវិស័យព័ត៌មាន ឆ្នាំ ២០១៨ និងទិសដៅការងារ ឆ្នាំ ២០១៩ ដែលនឹងប្រព្រឹត្តនៅថ្ងៃ ទី ២២ ខែ កុម្ភះ ខាងមុខនេះ ហើយនៅមុន ១ ថ្ងៃ នៃអង្គសន្និបាត ក៏មានការរៀបចំ ជាអង្គសិក្ខា មានសារះសំខាន់មួយដែល និយាយ ទាក់ទងទៅនិង ប្រធានបទ ទម្លាប់ល្អទាំង ៧ របស់អ្នកដឹកនាំឆ្នើម ដោយមាន វាគ្មិនជំនាញមកពី សាលា វេសឡាញ ធ្វើការពន្យល់ បកស្រាយ ។
ហើយសម្រាប់សិក្ខាសាលា នេះ ឯកឧត្តម រដ្ឋមន្ត្រី ខៀវ កាញារីទ្ធ បានបញ្ជាក់ថា ជាទូទៅនៅពេលដែលគេបើក ជាសិក្ខាសាលា ដូចនេះម្តងៗ សម្រាប់អ្នក ចូល រួម ត្រូវបង់ថវិកាប្រមាណ ៧៥ ដុល្លា ក្នុងម្នាក់ៗ ប៉ុន្តែសម្រាប់ការដែលអ្នក ជំនាញ លើកិច្ចការងារនេះ មកបង្ហាត់បង្រៀន នៅក្នុងអង្គសិក្ខាសាលា នា ទីស្តីការក្រសួងព័ត៌មាន គឺមិនមានការបង់ ប្រាក់ នោះទេ សម្រាប់អ្នក ចូលរួម ទាំងអស់៕
អត្ថបទ និង រូបថត ៖ ក្រសួងព័ត៌មាន
