មនុស្សម្នាក់បានស្លាប់ក្រោយពេលបញ្ជូនទៅមន្ទីរពេទ្យ និង ០៣នាក់ទៀត បានរងរបួសធ្ងន់ស្រាល ក្នុងករណីគ្រោះថ្នាក់ចរាចរណ៍ រវាងម៉ូតូ និងម៉ូតូ កាលពីវេលាម៉ោង ១៨ និង៣០នាទីល្ងាចថ្ងៃទី២៣ ខែកុម្ភៈ ឆ្នាំ២០២២ នៅត្រង់ចំណុចគោកចំរះ ផ្លូវក្រាលគ្រួសក្រហម ភូមិប្រវ៉ាល ឃុំតាយ៉ែក ស្រុកសូទ្រនិគម ខេត្តសៀមរាប។
បើតាមសមត្ថកិច្ចបានឲ្យបន្តថា មុនពេលកើតហេតុមានម៉ូតូមួយគ្រឿងម៉ាក HONDA DREAM ពណ៌ខ្មៅ ពាក់ស្លាកលេខ ភ្នំពេញ ១CU-៤០០៤ បើកបរដោយឈ្មោះ ខា ប៉ី ភេទប្រុស អាយុ២៤ឆ្នាំ មានទីលំនៅភូមិដាក់ផ្កា ឃុំតាយ៉ែក ស្រុកសូទ្រនិគម ខេត្តសៀមរាប មុខរបរកសិករ រួមដំណើរឈ្មោះ ជុំ សុខហេង ភេទប្រុស អាយុ១៩ឆ្នាំ មានទីលំនៅភូមិប្រវ៉ាល ឃុំតាយ៉ែក ស្រុកសូទ្រនិគម បានបើកបរទិសដៅពីត្បូងទៅជើង លុះមកដល់ចំណុចកើតហេតុ ដោយម៉ូតូខាងលើបើកបរមិនប្រកាន់ស្ដាប់ ក៏បានបុកជាមួយម៉ូតូមួយគ្រឿងទៀតដែលធ្វើដំណើរបញ្ច្រាសទិសគ្នាពេញទំហឹង ម៉ាកHONDA DREAM ពណ៌ខ្មៅ ពាក់ស្លាកលេខសៀមរាប ១U-៩៥៩២ បើកបរដោយឈ្មោះ រុន សារី ភេទស្រី អាយុ ១៧ឆ្នាំ នៅភូមិប្រវ៉ាល ឃុំតាយ៉ែក ស្រុកសូទ្រនិគម មុខរបរកសិករ រួមដំណើរ ឈ្មោះអឿន តាំ ភេទស្រី អាយុ ៥២ឆ្នាំ មានទីលំនៅភូមិប្រវ៉ាល ឃុំតាយ៉ែក បណ្ដាលឲ្យបុរសម្នាក់ ឈ្មោះ រុន សារី បានស្លាប់ពេលបញ្ជូនទៅដល់មន្ទីរពេទ្យ ចំនែកមនុស្ស ០៣នាក់ទៀតកំពុងជួយសង្គ្រោះ។
ក្រោយកើតហេតុ សមត្ថកិច្ចបានចុះវាស់វែង និងបញ្ជូនជនរងគ្រោះទៅសង្គ្រោះបន្ទាន់នៅមន្ទីរពេទ្យបង្អែក រីឯវត្ថុតាងមានម៉ូតូទាំង ២គ្រឿង ត្រូវបានកម្លាំងជំនាញយកមករក្សាទុកបណ្ដោះអាសន្ននៅប៉ុស្តិ៍តាយ៉ែក ដើម្បីរង់ចាំចាត់ការតាមនីតិវិធីនៅពេលក្រោយ៕
អត្ថបទ និងរូបភាព៖ លោក ស៊ាន សុផាត
កែសម្រួល៖ លោក អ៊ុន ណារាជ្យ
