គ្រូបង្រៀន និងប្រជាពលរដ្ឋជាច្រើននាក់ នៅជនបទនៃឃុំពាក់ស្នែង ស្រុកអង្គរធំខេត្ដសៀមរាប នៅថ្ងៃទី១២ខែមីនាឆ្នាំ២០២២នេះ បាននាំគ្នាធ្វើពិធីអបអរសាទរទិវាសិទ្ធិនារីអន្ដរជាតិលើកទី១១១ ក្រោមប្រធានបទសមភាពយេនឌ័រថ្ងៃនេះ ដើម្បីចីរភាពនាពេលអនាគត។
ឯកឧត្ដម ផៃ សុខខេង នាយករងខុទ្ធកាល័យសម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាអនុប្រធានក្រុមការងារចុះជួយឃុំពាក់ស្នែង ដែលជាអ្នករៀបចំកម្មវិធី មានប្រសាសន៍ថា ទិវាសិទ្ធិនារីអន្ដរជាតិលើកទី១១ត្រូវប្រារព្ធឡើងនៅថ្ងៃ៨ខែមីនា ប៉ុន្ដែដោយសារក្រុមការងារជាប់រវល់ ត្រូវបានលើកពេលប្រារព្វនៅថ្ងៃទី១២ខែមីនានេះវិញ។ការប្រារព្វទិវាសិទ្ធិនារីអន្ដរជាតិលើកទី១១១នាថ្ងៃនេះ គឺជាវេលាមួយដែលបានត្រូវឆ្លុះបញ្ចាំង និងពិនិត្យមើលឡើងវិញអំពីស្ថានភាពនានាពាក់ព័ន្ធនឹងសិទ្ធិស្រ្តី ហើយយើងក៏ត្រូវអបអរសាទរផង ដែរនូវអ្វីដែលយើងសម្រេចបាន និងទទួលស្គាល់នូវឧបសគ្គទាំងឡាយដែលរារាំងដល់សមភាពយេនឌ័រ នៅជនបទ។
ឯកឧត្ដមបន្ដថា ទិវាសិទ្ធិនារីនៅកម្ពុជា មិនមែនមានតែលើកទី១១១នោះទេ ផ្ទុយទៅការលើកតម្កើងសិទ្ធិនារី នៅក្នុងប្រទេសកម្ពុជា គឺមានតាំងជំនាន់ព្រះនាងលីវយីមកម្លេះ ដែលអាចសន្នីដ្ឋានថា ប្រទេសកម្ពុជា បានប្រារព្ធទិវាសិទ្ធិនារីនេះ មុនគេនៅលើពិភពលោក។ឯកឧត្ដមបានបន្ថែមថា ដោយឡែកសមភាពយេនឌ័រជាកត្តាចម្បងក្នុងការធានានូវចីរភាពនៃសន្តិភាព បរិយាប័ន្ន និងនិរន្តរភាពយូរអង្វែង នៃសន្តិភាព។ សមភាពយេនឌ័រ និងការបង្កើនភាពអង់អាចដល់ស្ត្រី និងក្មេងស្រី គឺជារបៀបវារៈដែលត្រូវបានរាជរដ្ឋាភិបាលកម្ពុជាផ្តោតការយកចិត្តទុកដាក់ និងគាំទ្រយ៉ាងខ្លាំងក្លា ដើម្បីជំរុញឱ្យពួកគេក្លាយជាកម្លាំងចលករចូលរួមចំណែកយ៉ាងសកម្មក្នុងកិច្ចអភិវឌ្ឍ និងក្លាយជាឆ្អឹងខ្នងដ៏រឹងមាំនៃសេដ្ឋកិច្ច និងសង្គមជាតិ ។ឯកឧត្ដមបានបន្ដថា ផែនការយុទ្ធសាស្រ្តអភិវឌ្ឍជាតិ និងគោលដៅអភិវឌ្ឍប្រកបដោយចីរភាពរបស់កម្ពុជា បានដាក់ចេញនូវការងារលើកកម្ពស់សមភាពយេនឌ័រ និងការពង្រឹងភាពអង់អាចដល់ស្រ្តី និងក្មេងស្រី ជាវិស័យអាទិភាពដាច់ដោយឡែក ក៏ដូចជាការងារក្នុងវិស័យអាទិភាពដ៏ទៃទៀតផងដែរ។ជាមួយគ្នាន ការរៀបចំសិទ្ធិស្ដ្រី ក្នុងគោលបំណងបន្តរំលេចពីតម្លៃដែលមិនអាចកាត់ថ្លៃបាននៃសន្តិភាព និង“ អរគុណសន្តិភាព ” ដែលបានប្រែក្លាយប្រទេសកម្ពុជាពីគំនរផេះផង់ បែកបាក់ជាតិ និងបែងចែកទឹកដី ទៅជាទឹកដី ប្រកបដោយសន្តិភាព ស្ថិរភាព សេរីភាព ប្រជាធិបតេយ្យ នីតិរដ្ឋ និងកំពុងអភិវឌ្ឍដ៏ខ្លាំងក្លាលើគ្រប់វិស័យ ព្រមទាំងចូលរួមដោយស្មើភាព និងស្មើសិទ្ធិ ជាមួយបណ្តាប្រទេសនានាទាំងក្នុងតំបន់ និងលើសកលលោក ជាពិសេសសមភាពយេនឌ័រត្រូវបានលើកកម្ពស់ជាបន្តបន្ទាប់ប្រកបដោយលទ្ធផលជាវិជ្ជមានគួរឱ្យកត់សម្គាល់ បានគាំទ្រយ៉ាងពេញទំហឹង ចំពោះប្រធានបទសម្រាប់ទិវាអន្តរជាតិនារី ៨មីនាឆ្នាំនេះ ដើម្បីសមភាពយេនឌ័រថ្ងៃនេះ ដើម្បីចីរភាពនាពេលអនាគត។មានសន្តិភាពមានការលើកកម្ពស់សមភាពយេនឌ័រ” ការរក្សាបាននូវសុខសន្តិភាព និងស្ថេរភាពនយោបាយគឺជាបុរេលក្ខខណ្ឌដ៏ចាំបាច់ដើម្បីអនុញ្ញាតិឱ្យរដ្ឋាភិបាលមួយមានលទ្ធភាពផ្តោតការយកចិត្តទុក ដាក់លើកិច្ចអភិវឌ្ឍសេដ្ឋកិច្ចសង្គម និងសុខមាលភាពរបស់ប្រជាជន បើបាត់បង់សន្តិភាពនោះអ្វីៗគ្រប់យ៉ាងនឹងត្រូវបាត់បង់។សន្តិភាពគឺជាធាតុផ្សំដ៏សំខាន់សម្រាប់ធានាចីរភាពនៃកិច្ចអភិវឌ្ឍន៍។
ជាក់ស្តែង បន្ទាប់ពីទទួលបាននូវសុខសន្តិភាពពេញលេញនៅទូទាំងប្រទេស អាស្រ័យដោយគោលនយោបាយ ” ឈ្នះ-ឈ្នះ “ប្រទេសកម្ពុជាមានភាព រីកចម្រើនជឿនលឿនជាលំដាប់ក្នុងខណៈបោះជំហានលើមាគ៌ានៃការកសាង និងការអភិវឌ្ឍលើគ្រប់វិស័យ៕
