ប្រជាពលរដ្ឋនៅស្រុកប្រាសាទបាគង ខេត្ដសៀមរាប បានសម្ដែងការសប្បាយចិត្ដ និងបានថ្លៃងអំណរគុណដល់ក្រុមគ្រូពេទ្យស្ម័គ្រចិត្ដសម្ដេចជពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ ដែលបានចុះជួយពិគ្រោះយោបល់ និងព្យាបាលជំងឺទូទៅដល់ពួកគាត់ ដោយមិនគិតថ្លៃ ខណ:ដែលពួកគាត់កំពុងខ្វះខាតជីវភាពក្នុងអំឡុងពេលជំងឺកូវីដ-១៩។ ការព្យាបាលនេះ ធ្វើឡើងនៅមណ្ឌលសុខភាពបាងគង ស្រុកប្រាសាទបាគង ខេត្ដសៀមរា កាលពីថ្ងៃទី២៤ ខែមីនា ឆ្នាំ២០២២នេះ។
ប្រជាពលរដ្ឋ នៅឃុំរលួស ស្រុកប្រាសាទបាគង បានឱ្យដឹងស្រដៀងគ្នាថា ការបញ្ជូនក្រុមគ្រូពេទ្យមកព្យាបាលជំងឹដល់មូលដ្ឋានពួកគាត់នេះ មានសារ:សំខាន់ខ្លាំងណាស់ព្រោះពួកយើងខ្វះថវិកាទិញថ្នាំ និងគ្មានពេលវេលាទៅព្យាបាលជំងឺផង ខណ:មណ្ឌលសុខភាព និងសេវាកម្មគ្រូពេទ្យនៅឆ្ងាយពីផ្ទះ។ប្រជាពលរដ្ឋបានបន្ដថា ពួកគាត់មានជំងឺប្រចាំកាយជាច្រើនឆ្នាំមកហើយ ដោយគ្រាន់តែជំងឺនោះមិនធ្ងន់ធ្ងរ ប៉ុន្ដែនៅពេលមានក្រុមគ្រូពេទ្យស្ម័គ្រចិត្ដសម្ដេចពិជ័យសេនា ទៀ បាញ់ មកដល់មូលដ្ឋាននេះធ្វើឱ្យពួកគាត់មានភាពងាយស្រួល ចំណេញទាំងពេលវា និងថវិកា។ អ្នកភូមិបន្ដថា ក្រោយពេលទទួលបានការយកចិត្ដទុកដាក់សេវាកម្មសុខភាពដោយមិនគិតថ្លៃ ពីក្រុមគ្រូពេទ្យនេះ ពួកគាត់មានអារម្មណ៍ស្រស់ថ្លា និងមានភាពកក់ក្ដៅបំផុត ព្រោះថា មានតែគ្រូពេទ្យរាជរដ្ឋាភិបាលទេ ដែលយកចិត្ដទុកដាក់ដល់ប្រជាពលរដ្ឋ ដូចពួកគាត់។ ពួកគាត់បានថ្លែងអំណរគុណក្រៃលែងដល់ក្រុមគ្រូពេទ្យស្ម័គ្រចិត្ដរបស់សម្ដេចពិជ័យសេនា ទៀ បាញ់ផងដែរ។
សូមបញ្ជាក់ថា ចាប់ពីថ្ងៃទី២៣ ដល់ថ្ងៃទី២៤ ខែមីនា ឆ្នាំ២០២២នេះ ក្រុមគ្រូពេទ្យស្ម័គ្រចិត្ដសម្ដេចពិជ័យសេនា បានផ្ដល់ក្រុមគ្រូពេទ្យចំនួន ២៥នាក់ ទៅពិគ្រោះ និងព្យាបាលជំងឺដល់ប្រជាពលរដ្ឋបានប្រមាណជាង ៥០០នាក់ នៅក្នុងនោះ បានព្យាបាល និងផ្ដល់ថ្នាំពេទ្យដល់ពលរដ្ឋនៅឃុំពាក់ស្នែង ស្រុកអង្គរធំ ចំនួន ២៧៣នាក់, នៅឃុំរលួស ស្រុកប្រាសាទបាគង ចំនួន ២៥៥នាក់ ។ប្រភេទជម្ងឺដែលត្រូវបានព្យាបាល រួមមាន ជម្ងឺទូទៅ ជំងឺក្រពះ ពោះវៀន ជំងឺលើស ឈាម ជំងឺទឹកនោមផ្អែម និងសន្លាក់ ៕
ព័ត៌មានជាតិ ថ្មីៗ
អត្ថបទ និងរូបភាព: លោកបូ សាវី កែសម្រួលដោយ លីវ សុខុន!!!
