សាលាបឋមសិក្សាវត្តបូព៌ខេត្ដសៀមរាប ដាក់បញ្ចូលកម្មវិធីសិក្សាSTEM របស់ប្រទេសជប៉ុន សម្រាប់សិស្សានុសិស្ស

នៅថ្ងៃទី៥ ខែកក្កដា ឆ្នាំ២០២២ ក្រសួងអប់រំ យុវជន និងកីឡា និងទីភ្នាក់ងារសហប្រតិបត្តិការអន្តរជាតិជប៉ុន ហៅកាត់ថា JICA បានដាក់ឲ្យប្រើប្រាស់កម្មវិធី Think! Think! របស់ជប៉ុន ដែលជាកម្មវិធីសិក្សាប្រភេទ STEM ជូនដល់សាលាបឋមសិក្សាវត្តបូព៌ ស្ថិតក្នុងក្រុងសៀមរាប ដើម្បីអភិវឌ្ឍជំនាញការគិត ភាពច្នៃប្រឌិត និងបំណិនទន់របស់សិស្សានុសិស្ស ដែលត្រូវបានគេស្គាល់ថា ជាបំណិនសតវត្សន៍ទី ២១។

បើតាមប្រសាសន៍របស់ ឯកឧត្តមបណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា កាលពីពេលកន្លងទៅ គូសបញ្ជាក់ថា ក្រសួងអប់រំកំពុងអនុវត្ដន៍កម្មវិធីសិក្សា អំណានដំបូង និងគណិតដំបូង ដូច្នេះបើចង់ឱ្យការសិក្សារបស់កុមារមានមូលដ្ឋានគ្រឹះរឹងមាំ គឺត្រូវផ្តោតលើការអប់រំកុមារតូច ថ្នាក់ទី១ និងទី២ឡើងទៅ ដើម្បីអាចឱ្យសិស្សចាប់អារម្មណ៍រៀនមុខវិជ្ជាគណិតវិទ្យា វិទ្យាសាស្ដ្រ និងបច្ចេកវិទ្យានៅកម្រិតមធ្យមសិក្សា និងឧត្ដមសិក្សា ដែលយើងហៅកាត់ថា STEM។

បើតាមការលើកឡើងរបស់ លោកស្រី Shiori Tokugawa ជាអ្នកគ្រប់គ្រងផ្នែកវិស័យអប់រំ របស់អង្គការ JICA បង្ហាញថា ‘Think! Think! គឺជាកម្មវិធី STEM ឈានមុខគេពីប្រទេសជប៉ុន ដែលបានទទួលពានរង្វាន់ផ្នែកបច្ចេកវិទ្យាអប់រំ (Edtech) ល្អបំផុតរបស់ប្រទេសជប៉ុន និងពានរង្វាន់ Google លើកម្មវិធីល្អបំផុតសម្រាប់កុមារ។ លោកស្រីបន្ដថា ពួកយើងរីករាយ ក្នុងការដាក់ឲ្យប្រើប្រាស់នូវកម្មវិធីនេះនៅសាលាបឋមសិក្សាវត្តបូព៌ ហើយលោកស្រីសង្ឃឹមថាកម្មវិធីនេះ នឹងអាចជួយសិស្សឱ្យទទួលបានការអប់រំកាន់តែប្រសើរឡើង។ សាលាបឋមសិក្សាវត្ដបូណ៌នេះ គឺជាសាលាគោលដៅមួយក្នុងចំណោមសាលាគោលដៅចំនួន៩ក្នុង៦ខេត្ត ដែលជាកម្មវិធីកំពុងដំណើរការក្នុងភាពជាដៃគូសាធារណៈឯកជនជាមួយ JICA និង ក្រុមហ៊ុន WonderLab Co., Ltd.។

ព័ត៌មានជាតិ ថ្មីៗ

ឯកអគ្គរាជទូតកម្ពុជា ប្រចាំសាធារណរដ្ឋប៊ុលហ្គារី ទទួលបានពានកាក់មាសពី Conncil of Europe’s Scien Tificand cultural Community

05/03/2026

‎ប្រជាពលរដ្ឋមានជីវភាពខ្វះខាត ៣០គ្រួសារ ក្នុងក្រុងរុនតាឯកតេជោសែន ទទួលអំណោយពីសម្ដេចតេជោ ហ៊ុន សែន និងសម្ដេចធិបតី ហ៊ុន ម៉ាណែត

13/02/2026

លោក សុខ ថា ប្រធាននាយកដ្ឋានបច្ចេកវិទ្យាព័ត៌មាន នៃក្រសួងអប់រំយុវជននិងកីឡា ក៏បានកោតសរសើរពីកម្មវិធីសិក្សា Think! Think! នេះផងដែរ ដោយលោកលើកឡើងថា Think!Think! គឺជាកម្មវិធីអប់រំដ៏ប្រសើរមួយ ដែលជួយដល់ការអភិវឌ្ឍនូវជំនាញនៃការគិតបែបស៊ីជម្រៅ និងជំនាញទន់ផងដែរ វាអាចជួយឲ្យសិស្សានុសិស្ស បានរៀននូវជំនាញថ្មីៗ ដែលជាតម្រូវការចាំបាច់នាពេលអនាគត។ ហើយបន្ទាប់ពីនេះ លោកក៏រំពឹងផងដែរថា កម្មវិធីសិក្សារបស់ប្រទេសជប៉ុននេះ អាចនឹងធ្វើការពង្រីកនូវវិសាលភាពរបស់ខ្លួន ឲ្យក្លាយទៅជាកម្មវិធីសិក្សាថ្នាក់ជាតិ សម្រាប់ជំហានបន្ទាប់។

គួររំលឹកថា កម្មវិធី Think!Think! បានបើកដំណើរការជាផ្លូវការ នៅឆ្នាំ២០២០ អំឡុងពេលដែលកម្ពុជាកំពុងប្រឈមមុខនឹងជំងឺកូវីដ-១៩ ក្រោមអធិបតីភាព ឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ដោយជួយដល់កុមារទទួលភាពរីករាយជាមួយកម្មវិធីសិក្សានេះដោយខ្លួនឯង និងជាមួយសមាជិកគ្រួសារនៅតាមផ្ទះ។

អត្ថបទ និង រូបភាព៖ លោក បូ សាវី
កែសម្រួល៖ លោក សេង ផល្លី