នាព្រឹកថ្ងៃទី១៣ ខែកញ្ញា ឆ្នាំ២០២២នេះ លោកស្រី យូ សុភា អភិបាលរងខេត្ត និងជាប្រធានលេខាធិការដ្ឋាន គ.ខ.ប.ជ ខេត្តសៀមរាប បានដឹកនាំបើកកិច្ចប្រជុំ យុត្តិធម៌ព្រហ្មទណ្ឌ ស្តីពីនីតិវិធីពាក់ព័ន្ធនឹងបទល្មើសជួញដូរមនុស្ស និងអំពើធ្វើអាជីវកម្មផ្លូវភេទ ដើម្បីពង្រឹងសមត្ថភាព ដល់មន្ត្រីនគរបាលយុទ្ធតិ្តធម៌ និងពាក់ព័ន្ធលើការអនុវត្តយន្តការរួម និងការចូលរួមអនុវត្តច្បាប់ឲ្យកាន់តែមានប្រសិទ្ធភាពខ្ពស់ និងឆ្លើយតបទៅនឹងឧត្តមប្រយោជន៍ របស់ជនរងគ្រោះ នៃអំពើជួញដូរមនុស្ស។ កិច្ចប្រជុំនេះក៏មានការអញ្ជើញចូលរួមពីលោកលោកស្រីជាតំណាងអគ្គលេខាធិការដ្ឋាន នៃគណៈកម្មាធិការជាតិ គ.ជ.ប.ជ អភិបាលក្រុងស្រុក តំណាងមន្ទីរអង្គភាព កងកម្លាំងសមត្ថកិច្ច និងអង្គការដៃគូរជាតិ អន្តរជាតិ ចំនួន ១២០នាក់។
លោកស្រី យូ សុភាព បានគូសបញ្ជាក់ថា រហូតមកដល់បច្ចុប្បន្នរាជរដ្ឋាភិបាលក្រកម្ពុជា នៅតែប្តេជ្ញាចិត្តយ៉ាងមុតមាំប្រកបដោយឆន្ទះមោះមុត ក្នុងការតស៊ូប្រយុទ្ធប្រឆាំងអំពើជួញដីរមនុស្ស និងអាជីវកម្មផ្លូវភេទលើស្ត្រី និងកុមារ ដើមី្បការពារជោគវាសនាប្រជាពលរដ្ឋខ្មែរទាំងក្នុង និងក្រៅប្រទេស ក៏ដូចជនបរទេសគ្រប់រូប ដែលរស់នៅកម្ពុជាមិនឲ្យធ្លាក់ទៅក្នុងមហន្តរាយ ដោយអំពើទាសភាពសម័យថ្មីនេះបានឡើយ។ សម្រាប់ការងារនេះដែរ ក៏ត្រូវទាមទារដល់អ្នកពាក់ព័ន្ធត្រូវបង្កើនការផ្សព្វផ្សាយអប់រំដល់សាធារណជនទូទៅនៅកម្ពុជា ដើមី្បលើកកម្ពស់ការយល់ដឹងអំពីសភាពការណ៍ ល្បិចកល សកម្មភាពឧក្រិដ្ឋជនជួញដូរមនុស្ស និងការប្តេជ្ញាចិត្តប្រយុទ្ធប្រឆាំងគ្រប់ទម្រង់នៃអំពើជួញដូរមនុស្ស ជួញដូរពលកម្ម អាជីវកម្មផ្លូវភេទលើស្ត្រី និងកុមារ។ ជាក់ស្ដែងកន្លងមកសមត្ថកិច្ចយើងគ្រប់ជាន់ថ្នាក់ ក៏បានពុះពារអនុវត្តភារកិច្ចនេះ សំដៅការពារកិត្តិយសសេចក្តីថ្លៃថ្នូរ និងជីវភាពរស់នៅសម្រាប់ប្រជាពលរដ្ឋ បានល្អប្រសើរ និងលើកកម្ពស់សកម្មភាពផ្សព្វផ្សាយអប់រំ ការយល់ដឹងអំពីច្បាប់ស្តីពីការងារ ច្បាប់ការប្រឆាំងការជួញដូរមនុស្ស កម្លាំងពលកម្ម និងច្បាប់អន្តោប្រវេសន៍ ច្បាប់បទដ្ឋានគតិយុត្តិចាំបាច់នានា ឲ្យបានចូលដល់ស្រទាប់មហាជន សំដៅបំផុសចលនាឲ្យចូលរួមគោរពអនុវត្តច្បាប់ឲ្យបានល្អ។
ក្នុងឱកាសនោះដែរលោកប្រធានលេខាធិការដ្ឋាន ក៏បានជម្រុញដល់អាជ្ញាធរ សមត្ថកិច្ចពាក់ព័ន្ធពីការផ្សព្វផ្សាយគោលនយោបាយភូមិឃុំមានសុវត្ថិភាព ឲ្យកាន់តែសកម្មបំផុលផុសបន្ថែមទៀត ដើម្បីបង្កើនការយល់ដឹងឲ្យកាន់តែទូលំទូលាយ និងបំផុសឲ្យមានការចូលរួមប្រយុទ្ធប្រឆាំងអំពើជួញដូរមនុស្ស និងជួញដូរពលកម្ម ព្រមទាំងអាជីវកម្មផ្លូវភេទនៅកម្ពុជាឲ្យកាន់តែមានប្រសិទ្ធភាព។ លោកស្រីក៏បានជម្រុញដល់សមាជិកនៃកិច្ចប្រជុំទាំងមូល ត្រូវបញ្ចេញមតិចូលរួមពិភាក្សា ដើមី្បរកនូវធាតុចូលដែលជាចលករមួយសម្រាប់សមត្ថកិច្ច និងអ្នកពាក់ព័ន្ធ បានយកទៅធ្វើការអនុវត្តប្រកបដោយស្មារតី ទទួលខុសត្រូវខ្ពស់ និងមានប្រសិទ្ធភាពខ្ពស់ទៀតផង៕
អត្ថបទ និងរូបភាព៖ លោក ម៉ី សុខារិទ្ធ
កែសម្រួល៖ លោក អ៊ុន ណារាជ្យ
