អង្គការសហព័ន្ឋជាតិនៃសមាគមយូណេស្កូជប៉ុនប្រចាំកម្ពុជា នៅព្រឹកថ្ងៃទី២០ ខែមករា ឆ្នាំ២០២៣នេះ បានរៀបចំពីធីប្រគល់រង្វាន់មេដាយដល់សិស្សជាប់ជ័យលាភីគំនូរកុមារ អេនីគី ឆ្នាំ២០២១-២០២២ ជូនដល់កុមារាកុមារី ៨រូប ដែលបានចូលរួមក្នុងកម្មវិធីប្រឡងប្រណាំងគំនូរកុមារអាស៊ី អេនីគី មីតស៊ុប៊ិស៊ិ កាលពីក្នុងអំឡុងខែមិថុនា ឆ្នាំ២០២២កន្លងមក។
លោក នង វុត្ថា នាយកអង្គការសហព័ន្ធជាតិនៃមាគមយូណេស្កូជប៉ុនប្រចាំកម្ពុជា បានមានប្រសាសន៍ថា គណៈកម្មការកិច្ចការសាធារណៈមីតស៊ុប៊ិស៊ិ សហព័ន្ធនៃក្លឹបនៃសមាគមយូណេស្កូអាស៊ីប៉ា ស៊ីហ្វិក និងអង្គការសហព័ន្ធជាតិសមាគមយូណេស្កូជប៉ុន បានចាប់ផ្តើម រៀបចំកម្មវិធីប្រកួតប្រជែងគំនូរកុមារ-អាស៊ី-អេនីគី ក្នុងឆ្នាំ១៩៩០ ដើម្បីផ្លាស់ប្ដូរវប្បធម៌រវាងកុមារនិងកុមារនៅទ្វីបអាស៊ី។ នៅឆ្នាំ២០២១-២០២២ មានកុមារមកពី ២៤ប្រទេស និងតំបន់នៃទ្វីបអាស៊ី រួមទាំងប្រទេសជប៉ុន បានចូលរួមក្នុងព្រឹត្តិការណ៍នេះ។ នៅក្នុងប្រទេសកម្ពុជាការប្រលងប្រណាំងគំនូរនេះត្រូវបានរៀបចំឡើងដោយមន្ទីរអប់រំ យុវជន និងកីឡាខេត្តសៀមរាប សហការជាមួយអង្គការសហព័ន្ធជាតិនៃសមាគមយូណេស្កូជប៉ុនប្រចាំកម្ពុជា គាំទ្រដោយជាថវិកាដោយក្រុមហ៊ុន មីតស៊ូប៊ីស៊ី។ ដោយមានកុមារជាសិក្សានុសិស្សមកពី ១៥សាលានៅក្នុងក្រុងសៀមរាប បានចូលរួបប្រគួតប្រជែង និងសម្រេចជ្រើសរើសសំណុំចំនួន ៨សំណុំ ដើម្បីធ្វើការវាយតម្លៃបន្តនៅប្រទេសជប៉ុន ដោយគណៈកម្មការអន្តរជាតិ។
លោកបន្តថា ជាលទ្ធផលគណៈកម្មការអន្តរជាតិ បានធ្វើការវាយតម្លៃគំនូរ និងផ្ដល់ជ័យលាភី លេខ១ ស្នាដៃឯក បានទៅលើកុមារី ពេញ ច័ន្ទបរមី មកពីសាលាបឋមសិក្សាវត្តបូព៌ ,លេខ២ បានទៅលើកុមារី រស្មី ផល្លីសួគ៌ា មកពីសាលាបឋមសិក្សាស្តីឆ្អើរ អញ្ចាញអង្គរ ទទួលបានជ័យលាភី សហព័ន្ធនៃក្លឹបនិងសមាគមយូណេស្កូអាស៊ីប៉ាស៊ីហ្វិក លេខ៣.កុមារា ពេជ្យ ប៊ុណ្ណាវឌ្ឍ មកពីសាលាបឋមសិក្សាវត្តបូព៌ ទទួលបានជ័យលាភី គណៈកម្មការកិច្ចការសាធារណៈមីតស៊ូប៊ីស៊ី ,លេខ៤.កុមារី ថន មុនិន្ទសុវណ្ណមេត្តា មកពីសាលាបឋមសិក្សាក្រវ៉ាន់ ទទួលបានជ័យលាភី សហព័ន្ធជាតិនៃសមាគមយូណេស្កូជប៉ុន ,លេខ៥.កុមារី អួន សុវណ្ណសេរីរស្មី មកពីសាលាបឋមឋក្សាធ្លកអណ្តូង ទទួលបានជ័យលាភីល្អប្រសើរ ,លេខ៦.កុមារា សាង វីរៈសត្យា មកពីសាលាបឋមសិក្សាក្រវ៉ាន់ ទទួលបានជ័យលាភីល្អប្រសើរ ,លេខ៧.កុមារី ស៊្រុន នីសា មកពីសាលាបឋមសិក្សាធ្លកអណ្តូង ទទួលបានជ័យលាភី ល្អប្រសើរ និងលេខ៨.កុមារី អ៊ូ ម៉ីនាង មកពីសាលាបឋមសិក្សាវត្តស្វាយ ទទួលបានជ័យលាភី ល្អប្រសើរ។
ព័ត៌មានជាតិ ថ្មីៗ
មានប្រសាសន៍ក្នុងឱកាសនោះដែរ លោក លី ប៊ុនណា ប្រធានមន្ទីរអប់រំ យុវជន និងកីឡាខេត្តសៀមរាប បានបញ្ជាក់ថា កម្មវីធីប្រឡងគំនូរកុមារនេះមានសារៈសំខាន់ណាស់ ដែលជាការបង្ហាញនូវគោលគំនិតឆ្លុះបញ្ចាំងអំពីវប្បធម៌ ប្រពៃណីទំនៀមទំលាប់ និងជីវភាពរស់នៅ សកម្មភាពប្រចាំថ្ងៃរបស់ប្រជាជនកម្ពុជា។ពិសេសជាងនេះ ការគូរគំនូរជាផ្នែកមួយនៃបំណិនជីវិត និងបានផ្តល់នូវមូលដ្ឋានចំណេះដឹងគាំទ្របន្ថែមទៅលើមុខវិជ្ជាគោលនៃកម្មវិធីអប់រំ វាក៏នឹងអត្ថប្រយោជន៍ផងដែរសម្រាប់ក្មួយៗដែលមានទេពកោសល្យផ្នែកគូររូប ដើម្បីចាប់យកជំនាញជាវិស្វករ ជាអ្នកគូរប្លង់ ទៅតាមឧបនិស្ស័យនិងបំណងប្រាថ្នារសប់ខ្លួនក្នុងពេលអនាគត។ សម្រាប់រង្វាន់កុមារដែលទទួលបានជ័យលាភីលេខ១ ស្នាដៃឯក គឺត្រូវបានឱ្យទៅទស្សនកិច្ចនៅប្រទេសជប៉ុន ប៉ុន្តែដោយសារស្ថានភាពកូវិដនៅជប៉ុនមិនទាន់ធូរ មិនអាចទៅបាន ទំនើបគណៈកម្មការផ្តល់រង្វាន់ជាទឹកប្រាក់ចំនួន ១.៣០០ដុល្លា មេដាយមួយ រួមជាមួយប័ណ្ណសសើរ ចំណែកអ្នក៧នាក់ទៀតទទួលបានប្រាក់១០០ដុល្លា និងប័ណ្ណសសើរ៕
អត្ថបទ និងរូបភាព៖ លោក ទ្រា ពន្លឺ ,លោក យូ វង្ស
កែសម្រួល៖ លោក អ៊ុន ណារាជ្យ
