នៅរសៀលថ្ងៃទី២០ ខែកុម្ភៈ ឆ្នាំ២០២៣ លោក ស៊ុំ សំអន នាយកសាខាកាកបាទក្រហមកម្ពុជា ខេត្តសៀមរាប បាននាំយកអំណោយជូនជនរងគ្រោះដោយសារគ្រាប់មិនទាន់ផ្ទុះម្នាក់ ដែលមានទីលំនៅភូមិរាជជម្ទុល ឃុំស្រែខ្វាវ ស្រុកអង្គរជុំ ខេត្តសៀមរាប និងកំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប។
បុរសខាងលើ មានឈ្មោះ ព្រាល អ៊ិត អាយុ២៩ឆ្នាំ បានជួបគ្រោះថ្នាក់កាលពីថ្ងៃទី ១៦ ខែកុម្ភៈ ឆ្នាំ២០២៣ ខណៈកំពុងស៊ីឈ្នួលដកដំឡូងមី ស្ថិតនៅភូមិសាមគ្គី ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។
ក្នុងឱកាសនោះ លោកនាយកសាខា បាននាំយកនូវប្រសាសន៍សួរសុខទុក្ខពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏ដូចជាឯកឧត្តម ទៀ សីហា ប្រធានគណៈកម្មាធិការសាខា ព្រមទាំងចូលរួមសោកស្ដាយ ចំពោះប្អូនប្រុសបានជួបគ្រោះថ្នាក់ដោយសារសំណល់គ្រាប់មិនទាន់ផ្ទុះ ដែលនៅសេសសល់ពីសម័យសង្គ្រាមជាច្រើនទសវត្សន៍កន្លងមក។ ជាមួយនោះ អំណោយមនុស្សធម៌ ដែលបាននាំយកមកជូននាពេលពនេះ គឺជាការបង្ហាញ នូវការយកចិត្តទុកដាក់ចំពោះប្រជាពលរដ្ឋគ្រប់រូប ពីសំណាក់ថ្នាក់ដឹកនាំនៃកាកបាទក្រហមកម្ពុជា ដោយមិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ។ ក្នុងនោះ អំណោយ ដែលបានប្រគល់ជូន រួមមាន អង្ករ៣០គក្រ មុង១ ភួយ១ សារុង១ ក្រមា១ មី១កេស ត្រីខ១យួរ និងថវិកា ៤សែនរៀល។
អត្ថបទ និងរូបភាព៖ សាខាកាកបាទក្រហមកម្ពុជា ខេត្តសៀមរាប
