ក្នុងឱកាសចុះបំពេញបេសកកម្មការងារក្នុងពិធីស៉ុំព្រះអគ្គិជ័យកីឡា សម្រាប់ការប្រកួតកីឡាអាស៊ីអាគ្នេយ៍លើកទី៣២ និង កីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ នៅទីលានក្តារបែន ក្នុងរង្វង់ខាងមុខប្រាសាទអង្គរតូច ខេត្តសៀមរាប នាព្រឹកថ្ងៃទី២០ ខែមីនាឆ្នាំ២០២៣នេះ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានផ្តល់សម្ភារៈប្រើប្រាស់ និង Camera Video ថ្មី ជូនដល់មន្ទីរព័ត៌មានខេត្តសៀមរាប រួមមាន ៖ Camera Video កម្រិត 4K ចំនួន ១គ្រឿង ជើង Camera ចំនួន ១គ្រឿង កាបូបដាក់ ម៉ាស៊ីនកាមេរ៉ាចំនួន ១គ្រឿង និង Memory ចំនួន២។
ក្នុងឱកាសនោះឯកឧត្ដម លីវ សុខុន ទីប្រឹក្សាក្រសួងព័ត៌មាន និង ជាប្រធានមន្ទីរព័ត៌មានខេត្តសៀមរាប បានថ្លែងនូវអំណរគុណយ៉ាងជ្រាលជ្រៅជាទីបំផុតចំពោះ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ដែលឯកឧត្តម តែងតែយកបញ្ញាញាណគិតគូរ និង យកចិត្តទុកដាក់ អស់ពីកម្លាំងកាយចិត្ត ក្នុងការអភិវឌ្ឍវិស័យព័ត៌មានឲ្យមានការរីកចម្រើន និងសម្បូរបែបជាលំដាប់ ដែលរយៈកាលកន្លងមក ដូចជាការផ្តល់គ្រឿងឧបករណ៍ សម្ភារៈបច្ចេកទេស ព័ត៌មានវិទ្យាដល់មន្ទីរព័ត៌មានរាជធានី-ខេត្ត ហើយជាក់ស្តែងនាពេលនេះ បានផ្តល់សម្ភារៈប្រើប្រាស់ និង Camera Video ថ្មី ជូនដល់មន្ទីរព័ត៌មានខេត្តសៀមរាប រួមមាន ៖ Camera Video កម្រិត 4K ចំនួន ១គ្រឿង ជើង Camera ចំនួន ១គ្រឿង កាបូបដាក់ ម៉ាស៊ីនកាមេរ៉ាចំនួន ១គ្រឿង និង Memory ចំនួន២ ។
ឯកឧត្ដម លីវ សុខុន បន្តថា តាមរយៈនៃការផ្តល់អំណោយជាសម្ភារៈប្រើប្រាស់ និង Camera Video ថ្មី ជូនដល់មន្ទីរព័ត៌មានខេត្តសៀមរាប នាពេលនេះ សរបញ្ជាក់ឲ្យឃើញច្បាស់ពីការគិតគូរដ៏ខ្ពង់ខ្ពស់របស់ឯកឧត្តមរដ្ឋមន្ត្រីក្រសួងព័ត៌មាន ហើយមន្ទីរព័ត៌មានខេត្តសៀមរាប នឹងខិតខំបំពេញការងារឱ្យអស់ពីកម្លាំងកាយចិត្ត ដើម្បីលើវិស័យព័ត៌មាន និងធ្វើជាស្ពានចំលងរវាងអាជ្ញាធរ ទៅប្រជាពលរដ្ឋ ៕
ព័ត៌មានជាតិ ថ្មីៗ
អត្ថបទ៖លោក លីវ សាន្ត រូបភាពមន្ទីរព័ត៌មានខេត្តសៀមរាប
