គម្រោងសាងសង់ផ្លូវបេតុងអាមេ ក្នុងឃុំចំនួន២ នៅស្រុកបន្ទាយស្រី ខេត្តសៀមរាប គឺឃុំព្រះដាក់ និងឃុំខ្នារសណ្តាយ ដែលជាគម្រោងមូលនិធិឃុំឆ្នាំ២០២៣ ត្រូវបានប្រកាសដាក់ឲ្យដេញថ្លៃជាស្ថានពរ នៅព្រឹកថ្ងៃទី១៩ ខែមេសា ឆ្នាំ២០២៣ ដោយមានការចូលរួមពីមន្ត្រីបច្ចេកទេសសាលាខេត្តសៀមរាប មន្ត្រីបច្ចេកទេសស្រុក គណៈកម្មការលទ្ធកម្មឃុំទាំង២ និងក្រុមហ៊ុនម៉ៅការផងដែរ។
លោក ភិន ថោង ប្រធានគណៈកម្មការលទ្ធកម្ម ឃុំព្រះដាក់ បានឲ្យដឹងថា គណៈកម្មការលទ្ធឃុំបានដាក់ឲ្យដេញថ្លៃ សាងសង់ផ្លូវបេតុអាមេមួយខ្សែ ក្នុងតម្លៃប៉ាន់ស្មាន ៩៧,២០៥,៨៤៥រៀល ដោយមានក្រុមហ៊ុនម៉ៅការដាក់សំណើដេញថ្លៃចំនួន ៦ក្រុមហ៊ុន។ ក្រោយពីបានពិនិត្យ និងវាយតម្លៃលើសំណុំឯកសារដំណើរដេញថ្លៃរបស់អ្នកទទួលការ ជាលទ្ធផលបានទៅលើក្រុមហ៊ុន ង៉ោ ឈុត ក្នុងទឹកប្រាក់ចំនួន ៧៦,១៩៧,៨៥០រៀល។
ចំណែកលោក លោក ឆន គី ប្រធានគណៈកម្មការលទ្ធកម្ម ឃុំខ្នារសណ្តាយ បានឲ្យដឹងថា គណៈកម្មការលទ្ធឃុំ បានដាក់ឲដេញថ្លៃជួសជុលផ្លូវបេតុងអាមេ ១ខ្សែ ទទឹង៥ម៉ែត្រ កម្រាស់ ០,១៥ម៉ែត្រ និងក្រួសក្រហម ប្រវែង០,១៥៨ម៉ែត្រ ក្នុងតម្លៃប៉ាន់ស្មាន ៩៣,៧៥២,០៤៦រៀល ដោយមានក្រុមហ៊ុនម៉ៅការដាក់សំណើដេញថ្លៃចំនួន ៦ក្រុមហ៊ុន។ ក្រោយពីបានពិនិត្យ និងវាយតម្លៃលើសំណុំឯកសារដំណើរដេញថ្លៃរបស់អ្នកទទួលការមានមួយក្រុមហ៊ុន ជាលទ្ធផលបានទៅលើក្រុមហ៊ុន អ៊ឺង លីសួរ ក្នុងទឹកប្រាក់ ៧៤,៩៨៦,៨00រៀល។
ជាមួយគ្នានោះ ក្រុមហ៊ុនទាំងអស់ ដែលបានដេញថ្លៃក្នុងតម្លៃទាបទី១ នៅគម្រោងសាងសង់ផ្លូវមេតុងអាមេ និក្រាលគ្រួសក្រហម ទាំង២ឃុំ បានធ្វើការប្ដេជ្ញាចិត្ត ដោយសន្យាឲ្យបានត្រឹមត្រូវទៅតាមគំនូប្លង់បច្ចេកទេស ទៅតាមលក្ខណ្ឌដូចមានចែងក្នុងកិច្ចសន្យាជាដើម៕
អត្ថបទ និងរូបភាព៖ លោក ស៊ាន សុផាត
កែសម្រួល៖ អ៊ុន ណារាជ្យ
