លេាកវរសេនីយ៍ឯក មិន ចន្ថា អធិការនគរបាលស្រុកប្រាសាទបាគង បានឲ្យដឹងថា កាលពីវេលាម៉ោង១៧និង ៥០នាទីយប់ ថ្ងៃទី១០ ខែមេសា ឆ្នាំ២០១៩ ម្សិលមិញនេះ មានករណីគ្រោះថ្នាក់ចរាចរមួយបានកេីតឡេីង នៅលើកំណាត់ផ្លូវជាតិលេខ៦ ស្តិតក្នុងភូមិជ្រៃ ឃុំណ្តែក ស្រុកប្រាសាទបាគង ខេត្តសៀមរាប រវាងរថយន្តបុកជាមួយនឹងម៉ូតូ បណ្តាលឲ្យមនុស្សម្នាក់រងរបួសធ្ងន់ ហើយបានស្លាប់ពេលបញ្ជូនដល់មន្ទីរពេទ្យ ។
លេាកវរសេនីយ៍ឯក មិន ចន្ថា បានឲ្យដឹងទៀតថា ករណីគ្រោះចរាចរណ៍នេះគឺ មុនពេលកើតហេតុ រថយន្តសាំងយ៉ុងមួយគ្រឿង ពណ៌ទឹកប្រាក់ ពាក់ស្លាកលេខសៀមរាប 2B 0543 បេីកបរដោយជនមិនស្គាល់ឈ្មោះ ព្រោះពេលកើតហេតុបានគេចខ្លួនបាត់ បេីកបរមកពីទិស ខាងកើតឆ្ពោះទៅលិចខ្វះការប្រុងប្រយ័ត្ននិងមិនប្រកាន់ស្តាំបានទៅប៉ះទង្គិចជាមួយម៉ូតមួយគ្រឿង ម៉ាកហុងដាស្តុបពី ពណ៌ស ពាក់ស្លាកលេខសៀមរាប 1X 3598 មានទិសដៅពីលិចទៅកើត បើកបរដោយឈ្មោះ យុទ្ធ រត្តនា ភេទប្រុស អាយុ27ឆ្នាំ នៅភូមិគោកស្រុក ឃុំ រលួស ស្រុកប្រាសាទបាគង បានទទួលរបួសធ្ងន់ ហើយបញ្ជូនទៅពេទ្យ សឹងរឹទ្ធីរ៉េត ក្នុងក្រុងសៀមរាប និងបានស្លាប់នៅមន្ទីពេទ្យ ។
លេាកវរសេនីយ៍ឯក មិន ចន្ថា បានឲ្យដឹងទៀតថា ក្រេាយពេលកេីតហេតុ កម្លាំនគរបាលជំនាញបានចុះទៅធ្វេីការ វាស់វែង និងធ្វេីកំណត់ហេតុ ហើយបានយកវត្ថុតាងទាំងពីរគ្រឿងយកមករក្សាទុកនៅអធិការដ្ឋាននគរបាលស្រុក ដើម្បីកសាងសុំណុំរឿងអនុវត្តតាមនីតិវិធីច្បាប់ ៕
អត្ថបទ និង រូបថត : លោក ថាច់ ពិសុទ្ធ
កែសម្រួលអត្ថបទ : លោក លីវ សាន្ត
