លោកឧត្តមសេនីយ៍ត្រី ជា គឹមសាន ស្នងការរងនគរបាលខេត្តសៀមរាប ទទួលផែនការងារអន្តេារប្រវេសន៍ បានឲ្យដឹងថា នាវេលាម៉ោងប្រហែល ២១:៥០នាទី ថ្ងៃទី១៨ ខែមេសា ឆ្នាំ២០១៩នេះ ជនបរទេសម្នាក់ឈ្មោះ VAN SCHALKWYK ISAK ភេទប្រុស កើតថ្ងៃទី២៦ ខែសីហា ឆ្នាំ១៩៨៧ ជនជាតិអាហ្វ្រិកខាងត្បូង កាន់លិខិតឆ្លងដែនលេខA ០៦៧៤២៨១១ មុខរបរគ្រូបង្រៀននៅសាលាអន្តរជាតិវេស្ទើន ស្នាក់នៅផ្ទះជួល ក្នុងភូមិស្វាយដង្គំ សង្កាត់ស្វាយដង្គំ ក្រុងសៀមរាប បានស្លាប់នៅមន្ទីរពេទ្យបង្អែកខេត្តសៀមរាប ។
លេាក ជា គឹមសាន បានឲ្យដឹងទៀតថា ផ្អែកតាមការពិនិត្យរបស់កម្លាំងនគរបាលជំនាញ និងលោកវេជ្ជបណ្ឌិត អុិត ឆបឆរ័ត្ន គ្រូពេទ្យអមតុលាការ បានសន្និដ្ឋានថា ជនរងគ្រោះស្លាប់ដោយសារជំងឺគាំងបេះដូង ហើយសាកសពត្រូវបានបញ្ជូនទៅតម្កល់ទុកបណ្តោះអាសន្ននៅមន្ទីរពេទ្យមិត្តភាពខ្មែរសូវៀត (ពេទ្យរុស្សុី) រាជធានីភ្នំពេញ រង់ចាំការសម្រេចរបស់ក្រុមគ្រួសារ និងស្ថានទូត ៕
អត្ថបទ និង រូបថត : លោក ថាច់ ពិសុទ្ធ
កែសម្រួលអត្ថបទ : លោក លីវ សាន្ត
ព័ត៌មានជាតិ ថ្មីៗ
