ព័ត៌មានជាតិ ថ្មីៗ
កាលពីរសៀល ថ្ងៃទី១៨ ខែមេសា ឆ្នាំ២០១៩ ម្សិលមិញនេះ លោកជំទាវ ទាង អេង ទៀ សីហា អនុប្រធានគណៈកម្មាធិការសាខាកាកបាទក្រហមកម្ពុជាខេត្តសៀមរាប តំណាងឯកឧត្តម ទៀ សីហា ប្រធានគណៈកម្មាធិការសាខា និងសហការី បានចុះសាកសួរសុខទុក្ខកុមារាម្នាក់ឈ្មោះ រឿន ផាន់ណា អាយុ៨ឆ្នាំ មានទីនៅភូមិទឹកជប់ ឃុំប្រីយ៍ ស្រុកអន្លង់វែង ខេត្តឧត្តរមានជ័យ ដែលរងគ្រោះដោយសាររលាកភ្លើងពេលចាក់សាំងម៉ូតូ ខណៈបច្ចុប្បន្ន កំពុងសម្រាកព្យាបាលជំងឺនៅមន្ទីរពេទ្យកុមារជ័យវរ្ម័នទី៧ ក្នុងខេត្តសៀមរាប ព្រមទាំងបានជូននូវអំណោយមនុស្សធម៌ រួមមាន មុង១ , ភួយ១ , សារុង១ , ក្រមា១ , មី១កេស និងថវិការមួយចំនួន ។
ជាមួយគ្នានេះដែរលោកជំទាវ ទាង អេង ទៀ សីហា ក៏បានចុះសាកសួរសុខទុក្ខ និង ឧបត្ថម្ភថវិកាមួយចំនួន ជូនដល់គ្រួសារទារកអាយុ៥ខែ ដែលមានជំងឺរលាកស្រោមខួរ ហើយកំពុងសម្រាកព្យាបាលនេះមន្ទីរពេទ្យកុមារជ័យវរ្ម័នទី៧នេះដែរ ៕
អត្ថបទ និង រូបថត ៖ លោក គឿន វេត
កែសម្រួលអត្ថបទ ៖ លោក លីវ សាន្ត
