នៅព្រឹកថ្ងៃទី៥ ខែមិថុនា ឆ្នាំ២០២៣នេះ ឯកឧត្តម អែល សៀត សមាជិកក្រុមប្រឹក្សាខេត្ត និងជាប្រធានគណៈចលនាសាសនិកឥស្លាមខេត្តសៀមរាប បានចុះជួបសំណេះសំណាលល និងនាំយកនូវសម្ភារៈសិក្សាចែកជូនដល់លោកគ្រូអ្នកគ្រូ និងប្អូនៗសិស្សានុសិស្សជាសាសនិកឥស្លាម ដែលកំពុងសិក្សានៅសាលារៀនអាន់នៀម៉ះ ស្ថិតនៅក្នុងភូមិស្ទឹងថ្មី សង្កាត់ស្វាយដង្គំ ក្រុងសៀមរាប។
មានប្រសាសន៍នាឱកាសនោះ ឯកឧត្តម អែល សៀត បាននាំយកនូវប្រសាសន៍ផ្តាំផ្ញើរសួរសុខទុក្ខពីសំណាក់ ឯកឧត្តម អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេសរបស់រាជរដ្ឋាភិបាល ដែលជានិច្ចកាល ឯកឧត្តមតែងតែយកចិត្តទុកដាក់អំពីសុខទុក្ខរបស់បងប្អូន ក៍ដូចជាលោកគ្រូអ្នកគ្រូ និងប្អូនៗសិស្សានុសិស្សដែលសាសនិកឥស្លាមគ្រប់ពេលវេលាជានិច្ច។ ជាមួយគ្នានោះ ឯកឧត្តមក៍បានលើកទឹកចិត្ត និងណែនាំដល់ក្មួយៗសិស្សានុសិស្សទាំងអស់ ត្រូវខិតខំប្រឹងប្រែងសិក្សារៀនសូត្រ ដើម្បីមានអនាគតល្អ និងជាយុវជនល្អទៅថ្ងៃអនាគត។ ជាពិសេសក្មួយៗត្រូវយកគម្រូតាមបងៗ ពូៗ ជំនាន់មុន ដែលបានតស៊ូរាល់ការលំបាក ដើម្បីអនាគតខ្លួនឯង គ្រួសារ និងសង្គមជាតិ ដោយបានចាកចោលស្រុកកំណើតទៅសិក្សានៅក្រៅប្រទេស ហើយបច្ចុប្បន្ននេះអ្នកខ្លះក្លាយជាថ្នាក់ដឹកនាំ មន្រ្តីរាជការក្នុងក្រសួងងស្ថាប័ននានា និងជាគ្រូបង្រៀនផងដែរ។
ឯកឧត្តម ក៏បានផ្ដាំផ្ញើដល់ប្អូនៗ សូមកុំយកពេលក្នុងវ័យសិក្សាទៅបំផ្លាញចោល ដោយការប្រព្រឹត្តអំពើអបាយមុខ កាប់ចាក់គ្នាបងតូចបងធំ សេពគ្រឿងញៀន ដែលនាំមកនូវសេចក្តីវិនាសអន្តរាយ បំផ្លាញខ្លួនឯង បំផ្លាញគ្រួសារ និងសង្គមជាតិ។
ព័ត៌មានជាតិ ថ្មីៗ
សូមជម្រាបថា សម្ភារៈសិក្សាដែឡបាននាំយកមកប្រគល់ជូននាពេលនោះរួមមាន៖ គម្ពីរអាល់គួរអានចំនួន១០០ក្បាល សៀវភៅសសេរចំនួន ៤០០ក្បាល និងប៊ិចចំនួន ១០០ដើមផងដែរ៕
អត្ថបទ និងរូបភាព៖ លោក ទ្រា ពន្លឺ
កែសម្រួលអត្ថបទ ៖ លោក អ៊ុន ណារាជ្យ
