ព័ត៌មានជាតិ ថ្មីៗ
កាលពីថ្ងៃទី១៩ ខែមេសា ឆ្នាំ២០១៩ម្សិលមិញនេះ លោកឧត្តមសេនីយ៍ត្រី តូច សាកល ស្នងការរងនៃស្នងការដ្ឋាននគរបាលខេត្តសៀមរាប តំណាងលោកឧត្តមសេនីយ៍ទោ ទិត្យ ណារ៉ុង ស្នងការនគរបាលខេត្ត និង ជាប្រធានគណៈកម្មាធិការមូលដ្ឋានសមាគមមិត្តនគរបាលជាតិកម្ពុជា បានដឹកនាំប្រតិភូជាមន្ត្រីនគរបាលខេត្តសៀមរាប នាំយកថវិកាចំនួន៦លានរៀល ដែលជាថវិការបស់សមាគមមិត្តនគរបាលជាតិកម្ពុជា និងថវិការផ្ទាល់របស់លោកឧត្តមសេនីយ៍ និងសប្បុរសជន នៃស្នងការដ្ឋាននគរបាលខេត្តមួយចំនួនទៀត ជូនដល់ក្រុមគ្រួសារសពលោកអនុសេនីយ៍ទោ ឡេង ថុល ជាមន្ត្រីនគរបាល នៃការិយាល័យនគរបាលការពារបេតិកភ័ណ្ឌ នៃស្នងការដ្ឋាននគរបាលខេត្ត ដែលបានទទួលមរណភាពកាលពីថ្ងៃទី១៧ ខែមេសា ឆ្នាំ២០១៩ ក្នុងជន្មាយុ៤៧ឆ្នាំ ដោយជំងឺទឹកនោមផ្អែម ៕
អត្ថបទ និង រូបថត : លោក ថាច់ ពិសុទ្ធ
កែសម្រួលអត្ថបទ : លោក លីវ សាន្ត
