បច្ចុប្បន្ននេះនៅលើពិភពលោកភ្ញៀវទេសចរប្រមាណជាង៥០ភាគរយ ចូលចិត្តតំបន់ទេសចរណ៍វប្បធម៌ និងប្រមាណជាង៣០ភាគរយចូលចិត្តចំពោះទេសចរណ៍ធម្មជាតិ ឬអេកូទេសចរណ៍ ទន្ទឹមនឹងនោះប្រទេសកម្ពុជាយើងក៏មានតំបន់ទេសចរណ៍ ដ៏មានសក្តានុពលខ្លាំងទាំងនោះផងដែរ នេះបើតាមការចុះផ្សាយរបស់ក្រសួងទេសចរណ៍កម្ពុជា នៅលើបណ្ដាញសង្គមហ្វេសប៊ុក។
ប៉ុន្តែតំបន់ទេសចរណ៍មានសក្ដានុពល នៅមិនទាន់គ្រប់គ្រាន់នៅឡើយទេ ចំណីអាហារក៏ជាផ្នែកមួយ ក្នុងការទាក់ទាញអ្នកទេសចរណ៍ជាតិ និងអន្តរជាតិ ឲ្យមកស្នាក់នៅ និងកំសាន្តផងដែរ តួយ៉ាងក្នុងក្រុងសៀមរាប ភោជនីយដ្ឋាន និងអាហារតាមដងវិថីជាច្រើនមកពីជុំវិញពិភពលោក បាននិងកំពុងមានវត្តមាននៅទីនេះ។
ដោយមើលឃើញពីឱកាសនេះ ភោជនីយដ្ឋាន របស់ប្រទេសប្រេស៊ីល Amigos Brazilian Steakhouse ស្ថិតនៅភូមិចុងកៅស៊ូ សង្កាត់ស្លក្រាម ក្រុងសៀមរាប បានបើកសម្ពោធជាផ្លូវការនារាត្រីថ្ងៃទី២១ ខែមេសា ឆ្នាំ២០១៩ ដែលភោជនីយដ្ឋាននេះ នឹងនាំយករសជាតិម្ហូបប្លែកៗ និងមានឱជារស ពីប្រទេសប្រេស៊ីល។ បើតាម អ្នកគ្រប់គ្រងភោជនីដ្ឋាននេះ បានឲ្យដឹងថា ភោជនីដ្ឋានក្នុងក្រុងសៀមរាបនេះគឺជាសាខាទី២ បន្ទាប់ពីសាខាទី១ បានបើកនៅរាជធានីភ្នំពេញ ហើយក្រុមហ៊ុនលោកគ្រោងនឹងបើកសាខាទី៣ ខេត្តព្រះសីហនុបន្ថែមទៀត។
អត្ថបទ និង រូបថត : លោក ស៊ាន សុផាត
កែសម្រួលអត្ថបទ : លោក សេង ផល្លី
