គម្រោងសាងសង់ផ្លូវមេតុងអាមេមួយខ្សែ និងគម្រោងសាងសង់លូជ្រុងទោលមួយកន្លែង ស្ថិតក្នុងឃុំកំពង់ឃ្លាំង និងឃុំដានរុន ស្រុកសូត្រនិគម ខេត្តសៀមរាប ដែលជាគម្រោងមូលនិធិឃុំ សង្កាត់ ឆ្នាំ២០២៣ ត្រូវបានប្រកាសបញ្ចប់ការដេញថ្លៃជាស្ថានពរហើយ នៅថ្ងៃទី២០ ខែមិថុនា ឆ្នាំ២០២៣នេះ ដោយមានការចូលរួមពីមន្ត្រីបច្ចេកទេសសាលាខេត្តសៀមរាប មន្ត្រីបច្ចេកទេសក្រុង គណៈកម្មការលទ្ធកម្មឃុំទាំងពីរ និងក្រុមហ៊ុនម៉ៅការផងដែរ។
បើតាមលោក ប៉ា ប៉ូរ ប្រធានគណៈកម្មការលទ្ធកម្មឃុំកំពងឃ្លាំង បានឲ្យដឹងថា សម្រាប់គម្រោងផ្លូវបេតុងអាមេ១ខ្សែ ដែលគណៈកម្មការលទ្ធកម្មឃុំ បានដាក់ឲ្យដេញថ្លៃសាងសង់នាពេលនេះ មានប្រវែង ២២០ម៉ែត្រ ទទឹង៥ម៉ែត្រ កម្រាស់បេតុង ០.១៥ម៉ែត្រ ស្លាកសញ្ញាគម្រោងចំនួន១ និងសាងសង់លូមូលប្រវែង៥០ម៉ែត្រ ក្នុងតម្លៃប៉ានស្មាន ១៥០,៩១៦,០៩៥រៀល។ ជាមួយគ្នានោះ គម្រោងនេះមានក្រុមហ៊ុនម៉ៅការដាក់សំណើដេញថ្លៃចំនួន ៤ក្រុមហ៊ុន ហើយក្រោយពីបានពិនិត្យ និងវាយតម្លៃលើសំណុំឯកសារដំណើរដេញថ្លៃរបស់អ្នកទទួលម៉ៅការមក ជាលទ្ធផលបានទៅលើក្រុមហ៊ុន ហ៊ួរ ឆូយ ក្នុងទឹកប្រាក់ចំនួន ១៤៩,០០០,០០០រៀល។
ចំណែកលោក វ៉ាន់ វុត ប្រធានគណៈកម្មការលទ្ធកម្មឃុំដានរុន បានឲ្យដឹងថា គណៈកម្មការលទ្ធកម្មឃុំ បានដាក់ឲ្យដេញថ្លៃគម្រោងសាងសង់លូជ្រុងទោលមួយកន្លែង មានប្រវែង៦ម៉ែត្រ ទទឹង៤ម៉ែត្រ កំពស់២ម៉ែត្រ ក្នុងតម្លៃប៉ាន់ស្មាន ៥៧,០១០,៨០០រៀល។ ជាមួយគ្នានោះ គម្រោងនេះ មានក្រុមហ៊ុនម៉ៅការដាក់សំណើដេញថ្លៃចំនួន ៤ក្រុមហ៊ុន ហើយក្រោយពីបានពិនិត្យ និងវាយតម្លៃលើសំណុំឯកសារដំណើរដេញថ្លៃរបស់អ្នកទទួលការរកមកឃើញថា មានមួយក្រុមហ៊ុនគ្មានសុពលភាព និងជាលទ្ធផលបានទៅលើក្រុមហ៊ុន ហ៊ត់ ហង ក្នុងទឹកប្រាក់ចំនួន ៥៦,០០០,០០០រៀល។
ព័ត៌មានជាតិ ថ្មីៗ
ក្រោយបញ្ចប់គម្រោងនៃការដេញថ្លៃនេះ ចំពោះក្រុមទាំង២ ដែលទទួលបានការម៉ៅការគម្រោងខាងលើ បានធ្វើការប្ដេជ្ញាចិត្ត ដោយសន្យាថា នឹងអនុវត្តន៍ការងារគម្រោងសាងសង់ផ្លូវមេតុងអាមេមួយខ្សែ និងគម្រោងសាងសង់លូជ្រុងទោលមួយកន្លែងនេះ ឲ្យបានត្រឹមត្រូវស្របទៅតាមគំនូរប្លង់បច្ចេកទេស បទដ្ឋានគតិយុត្តនៃការសាងសង់ និងគោរពទៅតាមលក្ខខណ្ឌដូចមានចែងនៅក្នុងកិច្ចសន្យា។
