គិតត្រឹមរសៀលថ្ងៃទី១៤ ខែកក្កដា ឆ្នាំ២០២៣នេះ ដំណើរការឃោសនាបោះឆ្នោតជ្រើសរើសតំណាងរាស្ត្រនីតិកាលទី៧ នៅទូទាំងខេត្តសៀមរាប បានប្រព្តឹត្តិដោយយ៉ាងរលូន ដោយពុំមានហេតុការណ៍អ្វីកើតឡើងគួរឲ្យកត់សម្គាល់នោះទេ នេះបើតាមការបញ្ជាក់តាមទូរស័ព្ទរបស់ លោក នឹម វ៉ាន់សំ ប្រធានលេខាធិការដ្ឋានរៀបចំការបោះឆ្នោតខេត្តសៀមរាប។
លោក នឹម វ៉ាន់សំ ក៏បានឱ្យដឹងដែរថា សម្រាប់ខេត្តសៀមរាប មានគណបក្សនយោបាយចំនួន១៤ បានចូលរួមប្រកួតប្រជែង និងធ្វើការឃោសនា សម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី៧នេះ។ ជាការកត់សម្គាល់ លោក ពិនិត្យឃើញថា គណបក្សទាំងអស់នោះ បានធ្វើការឃោសនា យ៉ាងមានសណ្ដាប់ធ្នាប់ និងពុំបង្កមានអំពើហឹង្សា ឬបញ្ហាអសន្តិសុខអ្វីនោះទេ។ ទោះជាយ៉ាងនេះក្តី លោក នឹម វ៉ាន់សំ ក៏ទទួលបាន ការត្អូញត្អែរពីបណ្ដាគណបក្សមួយចំនួន ទៅលើបញ្ហាខ្លះៗ ដូចជាការរបកស្លាកឃោសនា ដែលបិទនៅតាមសាធារណៈជាដើម។
សូមជម្រាបថា ខេត្តសៀមរាប មានប្រជាពលរដ្ឋ ដែលមានសិទ្ធិបោះឆ្នោត សរុបប្រមាណជាង៦០ម៉ឺននាក់ និងមានការិយាល័យបោះឆ្នោតចំនួន១៥២១ ការិយាល័យ។ ជាមួយគ្នានេះ អាជ្ញាធរខេត្តសៀមរាប ក៏បានត្រៀមកងកម្លាំង ប្រមាណជាង៤ពាន់នាក់ សម្រាប់ការពារសន្តិសុខ សណ្តាប់ធ្នាប់នៅក្នុងថ្ងៃបោះឆ្នោត ថ្ងៃទី២៣ ខែកក្កដា ខាងមុខនេះផងដែរ៕
ប្រធានលេខាធិការដ្ឋានរៀបចំការបោះឆ្នោតខេត្តសៀមរាប៖ រយៈពេល ១៤ថ្ងៃ នៃដំណើរការឃោសនាបោះឆ្នោត ក្នុងខេត្តសៀមរាប មានបរិយាកាសល្អ គ្មានអំពើហឹង្សា និងគ្មានការគំរាមកំហែង
គិតត្រឹមរសៀលថ្ងៃទី១៤ ខែកក្កដា ឆ្នាំ២០២៣នេះ ដំណើរការឃោសនាបោះឆ្នោតជ្រើសរើសតំណាងរាស្ត្រនីតិកាលទី៧ នៅទូទាំងខេត្តសៀមរាប បានប្រព្តឹត្តិដោយយ៉ាងរលូន ដោយពុំមានហេតុការណ៍អ្វីកើតឡើងគួរឲ្យកត់សម្គាល់នោះទេ នេះបើតាមការបញ្ជាក់តាមទូរស័ព្ទរបស់ លោក នឹម វ៉ាន់សំ ប្រធានលេខាធិការដ្ឋានរៀបចំការបោះឆ្នោតខេត្តសៀមរាប។
លោក នឹម វ៉ាន់សំ ក៏បានឱ្យដឹងដែរថា សម្រាប់ខេត្តសៀមរាប មានគណបក្សនយោបាយចំនួន១៤ បានចូលរួមប្រកួតប្រជែង និងធ្វើការឃោសនា សម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី៧នេះ។ ជាការកត់សម្គាល់ លោក ពិនិត្យឃើញថា គណបក្សទាំងអស់នោះ បានធ្វើការឃោសនា យ៉ាងមានសណ្ដាប់ធ្នាប់ និងពុំបង្កមានអំពើហឹង្សា ឬបញ្ហាអសន្តិសុខអ្វីនោះទេ។ ទោះជាយ៉ាងនេះក្តី លោក នឹម វ៉ាន់សំ ក៏ទទួលបាន ការត្អូញត្អែរពីបណ្ដាគណបក្សមួយចំនួន ទៅលើបញ្ហាខ្លះៗ ដូចជាការរបកស្លាកឃោសនា ដែលបិទនៅតាមសាធារណៈជាដើម។
សូមជម្រាបថា ខេត្តសៀមរាប មានប្រជាពលរដ្ឋ ដែលមានសិទ្ធិបោះឆ្នោត សរុបប្រមាណជាង៦០ម៉ឺននាក់ និងមានការិយាល័យបោះឆ្នោតចំនួន១៥២១ ការិយាល័យ។ ជាមួយគ្នានេះ អាជ្ញាធរខេត្តសៀមរាប ក៏បានត្រៀមកងកម្លាំង ប្រមាណជាង៤ពាន់នាក់ សម្រាប់ការពារសន្តិសុខ សណ្តាប់ធ្នាប់នៅក្នុងថ្ងៃបោះឆ្នោត ថ្ងៃទី២៣ ខែកក្កដា ខាងមុខនេះផងដែរ៕
អត្ថបទ និងរូបភាព៖ លោក ជា ស្រស់
កែសម្រួល៖ សេង ផល្លី
