ខេត្តសៀមរាប ជាខេត្តមួយ ក្នុងចំណោមខេត្តចំនួន៥ រួមមានខេត្តសៀមរាប , បាត់ដំបង , ព្រះវិហារ , ក្រចេះ និងខេត្តស្វាយរៀង ទទួលបានចំណាត់ថ្នាក់ល្អ លើការងារប្រយុទ្ធប្រឆាំងអំពើ ជួញដូរមនុស្សឆ្នាំ២០១៨ ដែលលោកស្រី យូ សុភា អភិបាល រង ខេត្ត តំណាងឯកឧត្តម ទៀ សីហា អភិបាល នៃគណ:អភិបាលខេត្ត និងជាប្រធានគណ:កម្មាធិការប្រយុទ្ធប្រឆាំងអំពើជួញដូរមនុស្សខេត្តសៀមរាប បានទទួលប័ណ្ណសរសើរ និងថវិកាលើកទឹកចិត្ត ពីសំណាក់សម្ដេចក្រឡាមហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និង ជាប្រធានគណ:កម្មាធិការជាតិប្រយុទ្ធប្រឆាំងអំពើជួញដូរមនុស្ស ។
ការចែក និងទទួលប័ណ្ណសរសើរនេះ បានប្រព្រឹត្តទៅកាលពីថ្ងៃទី២៣ ខែមេសា ឆ្នាំ២០១៩ ម្សិលមិញនេះ នៅក្នុងប្រជុំផ្សព្វផ្សាយរបាយការណ៍ជាតិស្តីពី ការងារប្រយុទ្ធប្រឆាំងអំពើជួញដូរមនុស្សឆ្នាំ២០១៨ និងលើកទិសដៅឆ្នាំ២០១៩ ក្រោមអធិបតីភាពដ៏ខ្ពង់ខ្ពស់សម្តេចក្រឡាហោម ស ខេង ៕
អត្ថបទ និង រូបថត ៖ Facebook រដ្ឋបាលខេត្តសៀមរាប
កែសម្រួលអត្ថបទ ៖ លោក លីវ សាន្ត
