នៅថ្ងៃទី១០ ខែសីហា ឆ្នាំ២០២៣នេះ នៅសាលាឆទាន ភូមិល្អក់ ឃុំកណ្តែក ស្រុកប្រាសាទបាគង ខេត្តសៀមរាប មានរៀបចំពិធីប្រកាស និងការបិទផ្សាយជាសាធារណៈឯកសារ នៃការវិនិច្ឆ័យដីធ្លី មានលក្ខណៈជាប្រព័ន្ធស្ថិតក្នុងភូមិល្អក់ មានចំនួនសរុប ៣៧៨២ ក្បាលដី ក្រោមកិច្ចសហការពីមន្ទីររៀបចំដែនដី នគរូបនីយកម្ម សំណង់ និងសូរិយោដើរខត្តសៀមរាប និងរដ្ឋបាលស្រុកប្រាសាទបាគង។
លោក ប៊ូ ជុំសម្បត្តិ អនុប្រធានមន្ទីររៀបចំដែនដី នគរូបនីយកម្ម សំណង់ និងសូរិយោដីខត្តសៀមរាប បង្ហាញថា ការចុះបញ្ជីដីធ្លីមានលក្ខណះជាប្រព័ន្ធនេះ នឹងធានាបាននូវសុវត្ថិភាព ក្នុងការកាន់កាប់ដីដោយស្របច្បាប់ របស់ប្រជាពលរដ្ឋតាមរយៈការចេញវិញ្ញាបនបត្រសម្គាល់ម្ចាស់អចលនវត្ថុ (ប័ណ្ណកម្មសិទ្ធិ) ជូនដល់ប្រជាពលរដ្ឋ។ ការចុះបញ្ជីដីធ្លីនេះដែរ អនុវត្តន៍នៅតាមរាជធានី-ខេត្តទាំង ២៥ គាំទ្រថវិកាដោយរាជរដ្ឋាភិបាលកម្ពុជា និងដឹកនាំដោយក្រសួងរៀបចំដែនដី នគរូបនីយកម្ម និងសំណង់ អនុវត្តការងារដោយមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តសៀមរាប ដោយមានកិច្ចសហការពីអាជ្ញាធរដែនដី ជាពិសេសតាមការចង្អុលបង្ហាញ របស់ឯកឧត្តមអភិបាល នៃគណៈអភិបាលខេត្តសៀមរាប។
ព័ត៌មានជាតិ ថ្មីៗ
លោកអនុប្រធានមន្ទីរ អំពាវនាវដល់ប្រជាពលរដ្ឋដែលជាម្ចាស់ក្បាលដីស្ថិតក្នុងភូមិល្អក់ សូមមកព័ត៌មានក្បាលដីរបស់ខ្លួន ស្ថិតនៅសាលាឆទាន ភូមិល្អក់ ដែលមានរយៈពេល ១៥ ថ្ងៃ ចាប់ពីថ្ងៃទី ១០ ខែ សីហា ឆ្នាំ ២០២៣ រហូតដល់ថ្ងៃទី ២៤ ខែ សីហា ឆ្នាំ ២០២៣ ដោយគិតរួមទាំងថ្ងៃបុណ្យនិង ថ្ងៃឈប់សម្រាក។ ទន្ទឹមនោះ សូមស្ថាប័ន អង្គភាពពាក់ព័ន្ធទាំងអស់ មកចូលរួមពិនិត្យផ្ទៀងផ្ទាត់មើល ទិន្នន័យនេះឲ្យបានគ្រប់ៗគ្នា ដើម្បីធានាបាននូវភាពសុក្រឹត្យត្រឹមត្រូវ សម្រាប់ការចេញវិញ្ញាបនបត្រសម្គាល់ម្ចាស់អចលនវត្ថុនាពេលខាងមុខ។
គួរជម្រាបថា លទ្ធផលនៃការចុះបញ្ជីដីធ្លីមានលក្ខណៈជាប្រព័ន្ធសម្រាប់ខេត្តសៀមរាប មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តសៀមរាប បានធ្វើការបិទផ្សាយនូវឯសារនៃការវិច្ឆ័យ និងចេញប័ណ្ណ ១២៥ ភូមិ រួមមាន ៖ ក្រុងសៀមរាបបានចំនួន ៥៦ភូមិ ស្រុកពួកបានចំនួន ១៧ភូមិ ស្រុកក្រឡាញ់បានចំនួន ១៥ភូមិ ស្រុកសូទ្រនិគមបានចំនួន ៣០ភូមិ និងស្រុកប្រាសាទបាគងបានចំនួន ៧ភូមិ។
អត្ថបទ និងរូបភាព៖ លោក ជា ស្រស់
កែសម្រួល៖ លោក សេង ផល្លី
