ថ្លែងក្នុងពិធីបើកកិច្ចប្រជុំអាជ្ញាធរជាតិថ្នាក់តំបន់លើកទី២១ នៃរដ្ឋភាគីរបស់អនុសញ្ញាអាវុធគីមី (CWC) នៅក្នុងតំបន់អាស៊ី នាក្រុងសៀមរាប នៅព្រឹកថ្ងៃទី២៩ ខែសីហា ឆ្នាំ២០២៣នេះ ឯកឧត្តមនាយឧត្តមសេនីយ៍ បណ្ឌិត ផន ណារ៉ា អគ្គលេខាធិការ នៃអគ្គលេខាធិការដ្ឋានអាជ្ញាធរជាតិ ទប់ស្កាត់អាវុធគីមី នុយក្លេអ៊ែរ ជីវសាស្ត្រ និងវិទ្យុសកម្ម បានលើកឡើងថា ដើម្បីរស់នៅលើពិភពលោកនេះ ដោយគ្មានអាវុធគីមី ប្រទេសទាំងអស់ចាំបាច់ត្រូវតែកាត់បន្ថយវាទាំងអស់ ហើយដើម្បីធ្វើវាបាន ការអនុវត្តឲ្យបានជោគជ័យនៃអនុសញ្ញាគីមី នេះមិនអាចធ្វើបានដោយពឹងផ្អែកតែប្រទេសមួយឬអង្គការណាមួយបានទេ។
ឯកឧត្តម នាយឧត្តមសេនីយ៍ បណ្ឌិត ផន ណារ៉ា បានលើកឡើងទៀតថា អាវុធគីមី គឺជារឿងដ៏គួរឲ្យស្អប់ខ្ពើម អាវុធគីមីមិនត្រូវមានកន្លែង ឬទីតាំងនៅក្នុងតំបន់ ឬនៅក្នុងពិភពលោកទេ។ ការប្រើប្រាស់អាវុធគីមីនៅកន្លែងណា ដោយនរណាម្នាក់ សម្រាប់ហេតុផលអ្វីក៏ដោយ គឺមិនអាចទទួលយកបាន។ បើទោះជាយ៉ាងនេះក្តីអាវុធគីមីនៅតែមានការបន្តការប្រើប្រាស់ ដែលការប្រើអាវុធគីមីនីមួយៗបានគំរាមកំហែង និងឱ្យផលវិបាកជាច្រើនត្រឡប់មកវិញ។ ដូចនេះយើងត្រូវប្រឹងប្រែងរួមគ្នាដើម្បីលុបបំបាត់ភេរវកម្មនៃអាវុធដែលគ្មានន័យទាំងនេះ ហើយយើងទាំងអស់គ្នាអាចធ្វើឲ្យពិភពលោកកាន់តែមានសន្តិសុខនិងសុវត្ថិភាពនៅក្នុងតំបន់ និងពិភពលោកដែលគ្មានអាវុធគីមី។
ឯកឧត្តមនាយឧត្តមសេនីយ៍ បណ្ឌិត បានបន្ថែមថា ចាប់តាំងពីបានបង្កើតអនុសញ្ញាអាវុធគីមី (CWC) និង អង្គការហាមឃាត់អាវុធគីមី (OPCW) មក បានជួយបង្កើតពិភពលោកឱ្យកាន់តែមានសុវត្ថិភាព សម្រាប់យើងទាំងអស់គ្នាទោះបីជាគ្រប់សមាជិករដ្ឋទាំងអស់បានធ្វើកិច្ចសហប្រតិបត្តិការគ្នាយ៉ាងជិតដិតទាំងទ្វេភាគី និងពហុភាគី។ ជាពិសេសគោរពអនុលោមទៅតាមច្បាប់អនុសញ្ញាអាវុធគីមីបានយ៉ាងល្អ ដែលបង្ហាញថាជាការដឹកនាំជា ប្រសិទ្ធិភាពរបស់ OPCW ពួកយើងនៅតែឃើញការកើតឡើងនៃការគម្រាម កំហែងអាវុធគីមីនិងមិនសុវត្ថិភាព ដែលវាជាការព្រួយបារម្ភដែលតម្រូវឲ្យ យើងបន្តខិតប្រឹងប្រែងគ្រប់វិធីសាស្ត្រដែលផ្ដល់ និងកំណត់ក្នុងអនុសញ្ញាអាវុធគីមី ។ ឯកឧត្តមថា ដើម្បីរស់នៅលើពិភពលោកនេះ ដោយគ្មានអាវុធគីមី ពួកយើងត្រូវតែកាត់បន្ថយវាទាំងអស់ ហើយដើម្បីធ្វើវាបាន ការអនុវត្តឲ្យបានជោគជ័យនៃអនុសញ្ញាគីមី នេះមិនអាចធ្វើបានដោយពឹងផ្អែកតែប្រទេសមួយឬអង្គការណាមួយបានទេ គឺមានតែការសហការណ៍គ្នាទាំងអស់ ទើបអនុញ្ញាតឲ្យការអនុវត្តអនុសញ្ញានេះបានជោគជ័យ ។
គួរឲ្យដឹងថា កិច្ចប្រជុំអាជ្ញាធរជាតិលើកទី២១ នៃរដ្ឋភាគី អនុសញ្ញាអាវុធគីមីនៅក្នុងតំបន់អាស៊ីធ្វើឡើងរយៈពេល៣ថ្ងៃ ដែលកិច្ចប្រជុំនេះ នឹងពិភាក្សានូវបញ្ហាជា ច្រនមានដូចជា ទី១.ការធ្វើឲ្យទាន់សម័យនៃច្បាប់ក្នុងការអនុវត្តអនុសញ្ញាអាវុធគីមីនៅ ក្នុងតំបន់អាស៊ីរបស់ពួកយើង,ទី២. ការផ្លាស់ប្ដូរបទពិសោធន៍,មេរៀន និងការអនុវត្តដែលល្អបំផុតសម្រាប់គ្នា,ទី៣. ការស្វែងរកវិធីសាស្ត្រដែលល្អៗដើម្បីធ្វើឲ្យកាន់តែមានប្រសិទ្ធភាព សម្រាប់ការអនុវត្តអនុសញ្ញាអាវុធគីមីនៅជំហានបន្ទាប់ក្នុងរយៈពេលនៃកិច្ចសហប្រតិបត្តិការណ៍,ទី៤. កាន់ តែយល់ និងស្គាល់ពីគា្នបន្ថែម ដើម្បីស្វែងរកកិច្ចសហប្រតិបត្តិ ការណ៍ទ្វេភាគី និងពហុភាគីពេលអនាគត ក្នុងរយៈពេលនៃការអនុ វត្តអនុសញ្ញាអាវុធគីមី និងទី៥. ភាគីនឹងត្រូវបានធ្វើបច្ចុប្បន្នភាពលើលទ្ធផលនៃសន្និសីទត្រួតពិនិត្យលើកទី៥ ផងដែរ។ ឯកឧត្តម នាយឧត្តមសេនីយ៍ បណ្ឌិត ផន ណារ៉ា សង្ឃឹមជឿជាក់ថា ក្នុងនាមជាម្ចាស់ផ្ទះ ក្នុងការរៀបចំសម្របសម្រួល ធ្វើឲ្យកិច្ចប្រជុំលើកទី២១នេះទទួលបានលទ្ធផលជោគជ័យដូចការរំពឹងទុកផងដែរ ៕
អត្ថបទ និងរូបភាព៖ លោក ជា ស្រស់
កែសម្រួល៖ លោក អ៊ុន ណារាជ្យ
