គម្រោងសាងសង់ផ្លូវដីសក្រាលក្រួសក្រហមមួយខ្សែ ក្នុងឃុំលាងដៃ និងផ្លូវបេតុងអាមេមួយខ្សែទៀត ក្នុងស្វាយចេក នៃស្រុកអង្គរធំ ខេត្តសៀមរាប ដែលជាគម្រោងថវិកាមូលនិធិឃុំ ឆ្នាំ២០២៣ ត្រូវបានប្រកាសបញ្ចប់ការដេញថ្លៃជាស្ថាពរ នៅព្រឹកថ្ងៃ២៥ ខែកញ្ញា ឆ្នាំ២០២៣ ដោយមានការចូលរួមពីមន្រ្តីបច្ចេកទេសសាលាខេត្ត មន្ត្រីបច្ចេកទេសស្រុក គណៈកម្មការលទ្ធកម្មឃុំ អ្នកសារព័ត៌មាន រួមនឹងតំណាងក្រុមហ៊ុនដេញថ្លៃចំនួន៤ ។
បើតាមលោក ឈួន ឯម ប្រធានគណៈកម្មការលទ្ធកម្មឃុំស្វាយចេក បានឲ្យដឹងថា ឃុំបានដាក់ដេញថ្លៃគម្រោងសាងសង់ផ្លូវដីសក្រាលក្រួសធម្មជាតិមួយខ្សែ ប្រវែង ៧០០ម៉ែត្រ ទទឹង ៥ម៉ែត្រ កម្រាស់ក្រួស ០.១៥ម៉ែត្រ លូកាត់ផ្លូវ ៣កន្លែង និងស្លាកសញ្ញាគម្រោង១ ក្នុងតំលៃប៉ាន់ស្មាន ១០៧.៨៤៩.៧៧៣រៀល។ ជាលទ្ធផលបានទៅលើ ក្រុមហ៊ុន អុំ ឡូ ក្នុងតម្លៃ ១០៦.៥00.000រៀល។
ដោយឡែកលោក គឿន កើប ប្រធានគណៈកម្មការលទ្ធកម្មឃុំលាងដៃ បានឲ្យដឹងដែរថា ឃុំបានដាក់ដេញថ្លៃគម្រោងសាងសង់ផ្លូវបេតុងអាមេ ១ខ្សែ ប្រវែង ១៦៤ម៉ែត្រ ទទឹង ៥ម៉ែត្រ កម្រាស់បេតុង ០.១៥ម៉ែត្រ សញ្ញាគម្រោង១ និងលូការពាផ្លូវ ២កន្លែង ក្នុងតំលៃប៉ាន់ស្មាន ១១៥.០៤៦.៨៧៥រៀល។ ជាលទ្ធផលបានទៅលើក្រុមហ៊ុន M.S.T ក្នុងតម្លៃ ១១៤.000.000រៀល។
ជាមួយគ្នានោះ ក្រុមហ៊ុនដែលទទួលបានការម៉ៅការគម្រោងផ្លូវទាំងពីរខាងលើ បានធ្វើការប្ដេជ្ញាចិត្តដោយសន្យាថា ធ្វើឲ្យបានត្រឹមត្រូវស្របទៅតាមគំនូរប្លង់បច្ចេកទេស បទដ្ឋានគតិយុទ្ធនៃការសាងសង់ និងគោរពទៅតាមលក្ខណ្ឌដូចមាន ចែងនៅក្នុងកិច្ចសន្យា ជាពិសេសសហការជាមួយអាជ្ញាធរមូលដ្ឋាន៕
អត្ថបទ និងរូបភាព៖ លោក ធន់ ពូថេ
កែសម្រួល៖ លោក អ៊ុន ណារាជ្យ
