លោក លី វណ្ណៈ ឋានន្តរស័ក្កិ គ្រូបង្រៀនកម្រិតឧត្តមដើមខ្សែ ថ្នាក់លេខ ១ ត្រូវបានប្រកាសតែងតាំងជានាយក និង លោក តាំង សុខហួត ឋានន្តរស័ក្កិគ្រូបង្រៀនកម្រិតឧត្តម ថ្នាក់លេខ ៣ ត្រូវបានប្រកាសតែងតាំងជានាយករង នៃវិទ្យាល័យអង្គរ ក្នុងខេត្តសៀមរាប តាមដីការលេខ ០០៨/១៩ ដក.កត ចុះថ្ងៃព្រហស្បតិ៍ ២កើត ខែ ផល្គុន ឆ្នាំ ច សំរឹទ្ធិស័ក ពស ២៥៦២ ត្រូវនិងថ្ងៃទី ០៧ ខែ មីនា ឆ្នាំ ២០១៩ របស់រដ្ឋបាលខេត្តសៀមរាប ស្តីពីការតែងតាំង ផ្លាស់ប្តូរ និងប្រគល់ភារកិច្ច មន្ត្រីរាជការចំនួន ២៨ រូបក្នុងរចនាសម្ព័ន្ធមន្ទីរអប់រំ យុវជន និងកីឡាខេត្តសៀមរាប ។
ពិធីប្រកាសតែងតាំងនេះ បានប្រព្រឹត្តទៅសាលប្រជុំវិទ្យាល័យអង្គរ កាលពីថ្ងៃទី៣០ ខែមេសា ឆ្នាំ២០១៩ម្សិលមិញនេះ ក្រោមអធិបតីភាពលោក ពៅ ពិសិដ្ឋ អភិបាលរងខេត្ត និង ជាតំណាងឯកឧត្តម ទៀ សីហា អភិបាលសៀមរាប ដោយមានការអញ្ជើញចូលរួមពីសំណាក់លោក សយ ទិត្យាវង្យ ប្រធានមន្ទីរអប់រំយុវជននិងកីឡាខេត្តសៀមរាប លោក សន សេរីវុទ្ធី នាយកទីចាត់ការគ្រប់គ្រងបុគ្គលិកសាលាខេត្តសៀមរាប លោក លោកស្រី អនុប្រធានមន្ទីរ និងសហការី នៃមន្ទីរអប់រំយុវជននិងកីឡាខេត្ត លោក សាម ឡន ចៅសង្កាត់សាលាកំរើក លោកគ្រូ អ្នកគ្រូ និងសិស្សានុសិស្សសរុបចំនួន ២៦០ នាក់ ៕
អត្ថបទ និង រូបថត : Facebook រដ្ឋបាលខេត្តសៀមរាប
កែសម្រួលអត្ថបទ : លោក លីវ សាន្ត
ព័ត៌មានជាតិ ថ្មីៗ
