នៅល្ងាចថ្ងៃទី២៤ ខែតុលា ឆ្នាំ២០២៣ អាជ្ញាធរខេត្ដសៀមរាប និងអាជ្ញាធរខេត្ដលាវនីញ នៃសាធារណរដ្ឋប្រជាមានិតចិន បានជួបពិភាក្សាការងារ និងពង្រឹងទំនាក់ទំនងរវាងខេត្តទាំងពីរ ដើម្បីរៀបចំការចុះអនុស្សរណៈ នៃការយោគយល់គ្នាមួយ ដើម្បីក្លាយជាខេត្តសម្ព័ន្ធមេត្រីភាព។
លោក អ៊ឹង គឹមលាង អភិបាលរងខេត្ត និងជាតំណាងរដ្ឋបាលខេត្តសៀមរាប បង្ហាញថា លទ្ធផលនៃជំនួបរវាងខេត្តទាំងពីរ បានបង្ហាញពីគោលបំណងបង្កើតចំណងមិត្តភាព និងកិច្ចសហប្រតិបត្តិការលើវិស័យទេសចរណ៍ កសិកម្ម អប់រំ សុខាភិបាល វប្បធម៌ ពាណិជ្ជកម្ម និង វិនិយោគ ដែលស្របតាមគោលនយោបាយរបស់ប្រទេសទាំងពីរ កម្ពុជា-ចិន។ ក្នុងនោះ ចំពោះខ្លឹមសារអនុស្សរណៈនៃការយោគយល់គ្នានេះ ក៏នឹងធ្វើការស្នើសុំគោលការណ៍ ឯកភាពពីរាជរដ្ឋាភិបាលទាំងសងខាងផងដែរ។
គួររំលឹកថា កាលពីឆ្នាំ២០១៩កន្លងមក រដ្ឋបាលខេត្តសៀមរាប បានធ្វើកិច្ចសហប្រតិបត្តិការជាមួយបណ្តាខេត្ត-ក្រុង នៃសាធារណរដ្ឋប្រជាមានិតចិន បានចំនួន២៤ខេត្ត-ក្រុង ក្នុងនោះរួមមាន អនុស្សរណៈនៃការយោគយល់គ្នាចំនួន ០៨ខេត្ត-ក្រុង កិច្ចព្រមព្រៀងចំនួន ០២ខេត្តក្រុង និងលិខិតផ្តួចផ្តើមសម្ព័ន្ធមេត្រីភាពចំនួន ១៤ខេត្ត-ក្រុង។
ព័ត៌មានជាតិ ថ្មីៗ
អត្ថបទ និងរូបភាព៖ លោក បូ សាវី
កែសម្រួល៖ លោក សេង ផល្លី
