នៅក្នុងខែមេសា ឆ្នាំ២០១៩នេះ ប្រជាពលរដ្ឋរស់នៅក្នុងតំបន់រមណីយដ្ឋានអង្គរ និងបុរាណដ្ឋាន ក្នុងខេត្តសៀមរាប ដែលគ្រប់គ្រងដោយអាជ្ញាធរជាតិអប្សរា ចំនួន៨៥គ្រួសារ ត្រូវបានអនុញ្ញាតឲ្យជួសជុលកែលម្អលំនៅដ្ឋានឡើងវិញ។
ប្រជាពលរដ្ឋ ៨៥គ្រួសារនោះ ដែលទទួលបានការអនុញ្ញាតនោះ រួមមានស្រុកប្រាសាទបាគង ទទួលបានការអនុញ្ញាតចំនួន៦គ្រួសារ ស្រុកអង្គរធំ ទទួលបានការអនុញ្ញាតចំនួន៥គ្រួសារ ស្រុកពួក ទទួលបានការអនុញ្ញាតចំនួន៧គ្រួសារ ក្រុងសៀមរាប ទទួលបានការអនុញ្ញាតចំនួន ៥២គ្រួសារ និងស្រុកបន្ទាយស្រី ទទួលបានការអនុញ្ញាតបានចំនួន១៥គ្រួសារ។
ប្រភេទសំណង់ ដែលអនុញ្ញាតឲ្យធ្វើការជួសជុលកែលម្អនោះ រួមមាន ជួសជុលឬប្តូរដំបូល ជួសជុលជញ្ជាំង ប្តូរសសរ ប្តូរជណ្តើរ តសំយ៉ាប កឥដ្ឋក្រោមផ្ទះ សាងសង់បង្គន់អនាម័យ ទ្រុងមាន់ទា ចាក់ដីបំពេញ ក្រោលគោ ទ្រុងជ្រូក ។ល។ ព្រមទាំងតម្រូវការចាំបាច់ផ្សេងៗទៀត ក្នុងការរស់នៅប្រចាំថ្ងៃ។
អត្ថបទ និង រូបភាព ៖ លោក អ៊ិន សីហរិទ្ធ
កែសម្រួលអត្ថបទ ៖ លោក សេង ផល្លី
