នៅរសៀលថ្ងៃទី០៧ ខែ វិច្ឆិកា ឆ្នាំ២០២៣នេះ ឯកឧត្តម លូវ ឈីនជៀន (Lou Qinjian) ប្រធានគណៈកម្មាធិការកិច្ចការបរទេស នៃសភាតំណាងប្រជាជនទូទាំងប្រទេស នៃសាធារណរដ្ឋប្រជាមានិតចិន និង សហការី បានមកបំពេញទស្សនកិច្ចជាផ្លូវការនៅខេត្តសៀមរាប ដើម្បីបង្ហាញអំពីគោលជំហរទូលំទូលាយ នៃការធ្វើឲ្យប្រសើរឡើងថែមទៀត នូវកិច្ចសហប្រតិបត្តិការរវាងរដ្ឋសភា និង រដ្ឋាភិបាលនៃប្រទេសទាំងពីរ ដែលជាសក្ខីភាព ឆ្លុះបញ្ចាំងឲ្យឃើញអំពីចំណងមិត្តភាព សាមគ្គីភាព និង កិច្ចសហប្រតិបត្តិការ រវាងប្រទេសទាំងពីរ កម្ពុជា ចិន កាន់តែរឹងមាំទ្វេរឡើងថែមទៀត ។
អញ្ជើញទទួលស់គណៈប្រតិភូជាន់ខ្ពស់ សភាប្រជាជនចិន នៅអាកាសយានដ្ឋានអន្តរជាតិសៀមរាប.អង្គរ មានវត្តមានឯកឧត្តម ប៊ុន ថាឬទ្ធិ អ្នកតំណាងរាស្ត្រមណ្ឌលសៀមរាប , លោក យុន លីនណេ អភិបាលរងនៃគណៈអភិបាលខេត្តសៀមរាប និង ឯកឧត្តមប្រធានការិយាល័យកុងស៊ុលចិន ប្រចាំខេត្តសៀមរាប រួមជាមួយនឹងថ្នាក់ដឹកនាំមន្ទីរពាក់ព័ន្ធ មន្ត្រីអ្នកមុខអ្នកការសំខាន់ៗក្នុងខេត្តជាច្រើនរូបទៀត ៕
អត្ថបទ និងរូបភាព៖ លោក ម៉ី សុខារិទ្ធ នឹង លោក យូ វង្ស
កែសម្រួល៖ លោក លីវ សាន្ត
