យោងតាមរបាយការណ៍មន្ទីរទេសចរណ៍ខេត្ដសៀមរាប បានឲ្យដឹងនៅថ្ងៃទី០១ខែមករាឆ្នាំ២០២៤នេះថា មានអ្នកទេសចរជាតិនិងអន្ដរជាតិ ប្រមាណជាង៣០៤.០៦៤នាក់ បានមកកម្សាន្តនៅខេត្តសៀមរាប នាថ្ងៃឆ្លងឆ្នាំថ្មី ឆ្នាំសកល២០២៣ចូល២០២៤ ក្នុងនោះ មានអ្នកទេសចរជាតិ និងបងប្អូនប្រជាពលរដ្ឋក្នុងខេត្ត មានចំនួនប្រមាណ ២៩៥,០០០ នាក់ និង ភ្ញៀវទេសចរអន្តរជាតិ មានចំនួន ៩,០៦៤ នាក់ ដែលជាថ្ងៃសម្រាកចុងឆ្នាំ២០២៣ ក៏ដូចជារាត្រីឆ្លងចូលឆ្នាំ២០២៤។
សូមជម្រាបថា នៅក្នុងរាត្រីថ្ងៃឆ្នាំឆ្នាំសកល២០២៣ ចូលឆ្នាំ២០២៤នេះ រដ្ឋបាលខេត្ដសៀមរាប បានបង្កើតព្រឹត្ដិការណ៍កម្សាន្ត នានា ដើម្បីបរិយាកាសរីករាយ នាសម្រាប់ប្រជាពលរដ្ឋ ក៏ដូចជាអ្នកទេសចរជាតិ អន្តរជាតិ ដែលមកកម្សាន្តនៅខេត្តសៀមរាប៕
អត្ថបទនិងរូបភាព : លោក ជា ស្រស់
