គម្រោងជួសជុលផ្លូវដីសក្រាលគ្រួសក្រហមចំនួន ១ខ្សែរ ដែលជាគម្រោងមូលនិធិឃុំស្ពានត្នោត ស្រុកជីក្រែង ខេត្តសៀមរាប ត្រូវបានប្រកាសបញ្ចប់ការដេញថ្លៃជាស្ថាពរនៅថ្ងៃទី១៩ ខែមករា ឆ្នាំ២០២៤នេះ ដោយមានការចូលរួមពីអ្នកពាក់ព័ន្ធជាច្រើនរូប។
បើតាមលោក ង៉ោ ពង្សទិត្យសុវណ្ណៈ ប្រធានគណៈកម្មការលទ្ធកម្មឃុំស្ពានត្នោត បានឲ្យដឹងថា សម្រាប់គម្រោងមូលនិធិឃុំស្ពានត្នោត គឺបានដាក់ដេញថ្លៃគម្រោងជួសជុលផ្លូវដីសក្រាលគ្រួសក្រហមចំនួន ១ខ្សែរ ប្រវែង១០០មែត្រ ទទឹង ៥ម៉ែត្រ កម្រាសបេតុង០.១៥ម៉ែត្រ ជើងទេរ១.៥ម៉ែត្រ និងសាងសង់លូ២កន្លែង លូមូលមុខកាត់០.៨ម៉ែត្រ ប្រវែង៦ម៉ែត្រចំនួន១កន្លែង លូជ្រុងមុខកាត់ ២ម៉ែត្រ កម្ពស់១.៥ ម៉ែត្រ ប្រវែង៧ម៉ែត្រ ចំនួន១កន្លែង លូការពារផ្លូវមុខកាត់ ០.៨ម៉ែត្រ ចំនួន៤កង់ និងដាក់ស្លាក សញ្ញាគម្រោងចំនួន១។ គម្រោងនេះមានតម្លៃប៉ាន់ស្មាន ៥៤.៩៩៤.៤៣០រៀល ដោយមានក្រុមហ៊ុនម៉ៅការដាក់សំណើរចំនួន ៩ក្រុមហ៊ុន។ ជាលទ្ធផលបានទៅលើក្រុម វីរៈ ៩៩៩៩ ក្នុងតម្លៃ ២១.៧០០.០០០រៀល។
ក្រោយពីបញ្ចប់ការដេញថ្លៃ តំណាងក្រុមហ៊ុនដែលទទួលបានការម៉ៅការទាបជាងគេចំពោះគម្រោងជួសជុលផ្លូវដីសក្រាលគ្រួសក្រហមខាងលើនេះ បានធ្វើការប្ដេជ្ញាចិត្តដោយសន្យាថា និងធ្វើឲ្យបានទាន់ពេលវេលា ត្រឹមត្រូវ ស្របទៅតាមគំនូរប្លង់បច្ចេកទេស បទដ្ឋានគតិយុទ្ធនៃការសាងសង់ ពិសេសគោរពទៅតាមលក្ខណ្ឌដូចមានចែងនៅក្នុងកិច្ចសន្យាផងដែរ៕
អត្ថបទ និងរូបភាព៖ លោក ស៊ុន គីន
កែសម្រួល៖ លោក អ៊ុន ណារាជ្យ
