ព័ត៌មានបឋម : សមត្ថកិច្ចនគរបាលខេត្តសៀមរាប បានឲ្យដឹងថា កាលពីវេលាម៉ោង២២និង៤០នាទី ថ្ងៃទី១៩ ខែឧសភា ឆ្នាំ២០១៩នេះ មានគ្រោះថ្នាក់ចរាចរណ៍មួយបានកើតឡើង នៅលើផ្លូវជាតិលេខ៦ ត្រង់ចំណុចមុខសាលាបឋម សិក្សាកេសរារ៉ាម ស្ថិតក្នុងភូមិតាភុល សង្កាត់ស្វាយដង្គំ ក្រុងសៀមរាប រវាងរថយន្តជាមួយនឹងម៉ូតូ បណ្ដាលឲ្យមនុស្សស្លាប់ម្នាក់ ។
សមត្ថកិច្ចបានឲ្យដឹងទៀតថា ករណីនេះគឺ រថយន្តម៉ាក កាមរី ពណ៌ស ពាក់ស្លាកលេខ ភ្នំពេញ 2AE – 8683 អ្នកបើកបរឈ្មោះ ឈូយ ពិសិដ្ឋ ភេទប្រុស អាយុ ២៥ឆ្នាំ រស់នៅភូមិ ក្រចាប់ ឃុំអាចារ្យលក្ខ័ ក្រុងស្ទឹងសែន ខេត្តកំពង់ធំ បើកបរមានទិសដៅពីកើតទៅលិច ក្នុងស្ថានភាពស្រវឹង បានបុកម៉ូតូម៉ាក Scoopy ពណ៌ស ពាក់ស្លាកលេខ ភ្នំពេញ 1AO – 4093 អ្នកបើកបរឈ្មោះ នាម គន្ធា ភេទស្រី អាយុ៣៤ឆ្នាំ បានរងរបួសរហូតដល់ស្លាប់ រស់នៅភូមិតាម៉ៅ ឃុំរាធរ ស្រុកព្រះស្តេច ខេត្តព្រៃវែង បើកបរទិសដៅពីត្បូងទៅជើង ខណៈម៉ូតូរងការខូចខាតធ្ងន់ធ្ងរ ៕
