នៅព្រឹកថ្ងៃទី០៣ ខែមេសា ឆ្នាំ២០២៤នេះ រដ្ឋបាលខេត្តសៀមរាប បានបើកកិច្ចប្រជុំបើកកិច្ចប្រជុំស្តីពីការពិនិត្យ និងរៀបចំផែនការសកម្មភាព និងថវិការ ផ.អ.៥ សម្រាប់ឆ្នាំ២០២៤ ដឹកនាំដោយលោក លោក សុខ ថុល អភិបាលរងខេត្ត ដោយមានការចូលរួមពីសំណាក់លោកលោកស្រី ថ្នាក់ដឹកនាំ និងមន្ត្រីជំនាញ មន្ទីរអង្គភាពនានាក្នុងខេត្ត។
លោក សុខ ថុល មានប្រសាសន៍ថា កិច្ចប្រជុំនាពេលនេះដែរ គឺដើម្បីធ្វើការបង្ហាញពីផែនការសកម្មភាពឆ្នាំ២០២៤ រវាងស្ថាប័នអនុវត្ត និងរដ្ឋបាលខេត្ត ការអនុវត្តមុខងារការិយាល័យដែលបានធ្វើសមាហរណកម្ម ក្នុងរចនាសម្ព័ន្ធរបស់រដ្ឋបាលក្រុងស្រុក បញ្ហាប្រឈមនានា ក្នុងការអនុវត្តផែនការសកម្មភាពឆ្នាំ២០២៣។ ដែលនេះស្របទៅតាមយុទ្ធសាស្ត្របញ្ច កោណដំណាក់កាលទី១ រដ្ឋាភិបាលអាណត្តិទី៧ នៃរដ្ឋសភា ដឹកនាំដោយសម្ដេចធិបតី ហ៊ុន ម៉ាណែត នាយករដ្ឋមន្រ្តី គោលដៅយុទ្ធសាស្ដ្រ៥ ដែលធានាឱ្យបានកំណើនសេដ្ឋកិច្ច បង្កើតការងារឱ្យបានកាន់តែច្រើន សម្រេចឱ្យបាននូវគោលដៅកាត់បន្ថយភាពក្រីក្រ បន្តពង្រឹងសមត្ថភាពអភិបាលកិច្ច និងលើកកម្ពស់គុណភាពស្ថាប័ន ធានាឱ្យបាននូវចីរភាពនៃការអភិវឌ្ឍសង្គម-សេដ្ឋកិច្ច។
លោកអភិបាលរងខេត្តបន្តថា ការចូលរួមជាមតិយោបល់ និងលើកឡើងនៅបញ្ហាទាំងឡាយ ក្នុងអង្គប្រជុំនាពេលនេះ ពិតជាមានសារៈសំខាន់ខ្លាំងណាស់ ព្រោះថាមូលហេតុនៃបញ្ហាប្រឈមនានា ហើយដំណោះស្រាយទាំងឡាយរបស់រដ្ឋបាលខេត្ត និងបានក្លាយជាការអនុវត្តជាក់ស្តែងប្រកបដោយប្រសិទ្ធភាពខ្ពស់៕
អត្ថបទ និងរូបភាព៖ លោក ធន់ ពូថេ
កែសម្រួល៖ លោក អ៊ុន ណារាជ្យ
